பெரும் ஆவலுடன் எதிர்பார்க்கப்பட்ட Signature Diwali Glitz விழா, ஒக்டோபர் 23ஆம் திகதி City of Dreams Sri Lanka-இல் கண்கவர் விதமாக ஆரம்பமாகியது. பாரம்பரிய கத்தக் நடனத்தின் நுட்பத்தையும், நவீன இசையின் துடிப்பையும் ஒருங்கிணைத்த பிரபல Kathak Rockers குழுவின் ஆச்சரியமூட்டும் நடன நிகழ்ச்சி, தீபாவளி வார இறுதியின் ஆரம்பத்தை மறக்க முடியாத ஒன்றாக மாற்றியது.
புதுமையான நடன வடிவமைப்புகளுக்கும், பாரம்பரிய இந்திய தாளங்களையும் நவீன இசையுடனும் திறமையாக கலந்தமைக்கும் திறனுக்கும் பெயர் பெற்ற Kathak Rockers, தங்களது சக்திவாய்ந்த, துல்லியமான மற்றும் உற்சாகமூட்டும் நடனத்தின் மூலம் பார்வையாளர்களை கவர்ந்தனர்.
அவர்களின் பிரகாசமான நிகழ்ச்சி மேடையை ஒளிரச்செய்ததோடு, மூன்று நாட்கள் நீடித்த இந்த நிகழ்ச்சிக்கு சிறப்பான ஆரம்பமாக அமைந்தது. வரவிருக்கும் நாட்களில் மேலும் பல பிரபல நட்சத்திரங்களின் பங்கேற்பும், கலாச்சார மெருகும் நிறைந்த விருந்துகள் City of Dreams Sri Lanka-இல் ரசிகர்களுக்கு காத்திருக்கின்றன.
