ශ්රී ලංකාවේ ප්රමුඛතම භූ අවකාශ ඉංජිනේරු විසඳුම් (GES) සපයන්නා සහ සුමති හෝල්ඩින්ග්ස් (පුද්) සමාගමේ අනුබද්ධිත සමාගමක් වන Sumathi Information Technologies විසින් ශ්රී ලංකාවේ ව්යවසායකත්ව සහ කෘෂිකර්මාන්ත ඩ්රෝන යානා සඳහා බලයලත් අලෙවිකරු වශයෙන්, මෙරට ප්රථම වතාවට DJI Dock 3 – ඩ්රෝන යානා පද්ධතිය පසුගියදා The View – Waters Edge හීදී එළිදැක්වූ අතර එම අවස්ථාවට රජයේ හා ව්යාපාර ක්ෂේත්රයේ නියෝජිතයින් 180 කට අධික පිරිසක් සහභාගී වූහ. මෙම නවතම තාක්ෂණික එළිදැක්වීමත් සමගින් ජාතික වශයෙන් වැදගත් වන කර්මාන්තයන් සඳහා ඩ්රෝන තාක්ෂණය භාවිත කිරීමේ නව පරිච්ඡේදයක් සනිටුහන් වූයේ ය.
DJI විසින් නිර්මාණය කළ Dock 3 යනු අවම මිනිස් මැදිහත්වීමක් සහිත මුළුමණින්ම ස්වයංක්රීය හා දුරස්ථ පියාසර මෙහෙයුම් සඳහා භාවිත කළ හැකි නූතන පරම්පරාවට ගැලපෙන ඩ්රෝන යානා උපාංගයක් වන අතර මෙය හඳුන්වා දීම තුළින් විවිධ ක්ෂේත්රයන්හි පුළුල් පරාසයක භාවිත කළ හැකි ආකාරය මනාව පෙන්නුම් කළේ ය. මහජන ආරක්ෂාව පිිළිබඳ ක්රියාකාරකම්, ආපදා හදිසි ප්රතිචාරයන් සහ රථවාහන කළමනාකරණය යනාදී අංශ සඳහා කඩිනමින් යොදා ගැනීමට මෙම DJI Dock 3 ඩ්රෝන යානාවන්ට හැකියාව පවතී. එමෙන්ම භූමි මැනීම්, සිතියම්ගත කිරීම්, ආපදා කළමනාකරණ හා මුදා ගැනීමේ මෙහෙයුම්, රථවාහන මෙහෙයුම්, වැවිලි කටයුතු සහ සතුන්ගේ ජීවන රටා වැනි කාර්යයන්හි දී අඛණ්ඩ අධීක්ෂණයකින් යුතු ඉහළ දායකත්වයක් ලබා දෙයි
මෙම එළිදැක්වීමේ අවස්ථාවට එක්වූ Sumathi Holdings හි විධායක අධ්යක්ෂ චදු සුමතිපාල මහතා මෙසේ අදහස් දැක්වීය. ‘‘ අප හඳුන්වා දුන් මෙම DJI Dock 3 හරහා සම්ප්රදායික යන්ත්රෝපකරණවල සීමාවන් අතික්රමණය කරමින් ශ්රී ලංකාවේ කර්මාන්ත ක්ෂේත්රය තුළ පරිවර්තනීය වෙනසක් ඇති කිරීමට හැකියාව ලැබෙනවා.
මෙහිදී අදහස් දක්වමින් Sumathi Holdings – IT Cluster හි ප්රධාන විධායක නිලධාරී චන්දිම වික්රමතුංග මහතා පැවැසුවේ මෙවැන්නකි. ‘‘Sumathi IT හි අපගේ දැක්ම වන්නේ රාජ්ය අංශයේ මෙන්ම පෞද්ගලික අංශයේ ආයතන නවෝත්පාදන විසඳුම් සමඟ සන්නද්ධ කරමින් රටේ ප්රගතිය තවදුරටත් ඉදිරියට රැගෙන යාමයි. ඒ සඳහා අපගේ මෙම DJI Dock 3, ඉහළ තාක්ෂණික හැකියාවන් සමගින් සක්රීය දායකත්වයක් ලබා දීමට සූදානම් කර තිබෙනවා’’
නව ඩ්රෝන් තාක්ෂණය භාවිතයෙන් විදුලි රැහැන්, දුම්රිය මාර්ග, නල මාර්ග, පාලම් සහ ටෙලිකොම් කුළුණු වැනි යටිතල පහසුකම් වඩාත් වේගවත්ව සහ නිවැරදිව පරීක්ෂා කිරීමට හැකියාව ලැබෙන අතර, නාගරික කළමනාකරණය සඳහා ද වඩාත් සැලසුම් සහගත දැක්මක් ක්රියාත්මක කිරීමට උපකාරී වේ. තවද මෙම ඩ්රෝන් පද්ධතිය හරහා වනාන්තර, වෙරළබඩ ප්රදේශ සහ ස්වභාවික සම්පත් නිරීක්ෂණය කිරීමට ද මනා පහසුවක් සැලසීම තුළින් රටපුරා සංරක්ෂණ කටයුතු ශක්තිමත් කර ගැනීමට අවස්ථාව උදා වනු ඇත.
මෙම අවස්ථාව සඳහා මෙරට කර්මාන්තයන් රැසක් නියෝජනය කරමින් පේරාදෙණිය විශ්ව විද්යාලයේ භු විද්යා අංශයේ ජ්යෙෂ්ඨ කථිකාචාර්ය ආචාර්ය භාතිය අතුරුපාන, මොරටුව විශ්ව විද්යාලයේ සිවිල් ඉංජිනේරු දෙපාර්තමේන්තුවේ ජ්යෙෂ්ඨ මහාචාර්ය රංගික හල්වතුර සහ Sumathi IT – GES හි සාමාන්යාධිකාරී අරුණ වීරසිංහ යන මහත්වරුන් විද්වත් මණ්ඩල සාකච්ඡාවකට එක් වූහ. වයඹ විශ්ව විද්යාලයේ උද්යාන විද්යා සහ භූමි අලංකරණ අධ්යන අංශ ප්රධානී ආචාර්ය සුරන්ත සල්ගාදු මහතා විසින් මෙහෙයවනු ලැබූ මෙම විද්වත් සාකච්ඡාවේ දී DJI Dock 3 සතු කාලගුණයට ඔරොත්තු දීමේ සැලසුම, වේගවත් ආරෝපණ සහ පද්ධති අධීක්ෂණ විශේෂාංගයන්හි කාර්යක්ෂමතාව, තිරසාර ඉදිකිරීම් සහ මහා පරිමාණ භූමි මැනීම් කටයුතු සඳහා පවතින විභව හැකියාවන් නැවත ස්ථාපිත කිරීම පිළිබඳව කතිකා කළහ.
ශ්රී ලංකාව ප්රධානපෙළේ කර්මාන්ත ක්ෂේත්රයන්හි දියුණුව කරා ගමන් කරමින් සිටින මොහොතක, අනාගතය සඳහා තීරණාත්මක සේවාවන් ශක්තිමත් කරන කාර්යක්ෂම විසඳුම් මෙරටට හඳුන්වා දීම උදෙසා Sumathi IT නිරන්තරයෙන් කැප වී කටයුතු කරනු නිසැකය.
