වෙළඳසේවා බැඩ්මින්ටන් සංගමය විසින් සංවිධානය කරන ලද 14 වැනි අන්තර් සමාගම් කණ්ඩායම් යුගල බැඩ්මින්ටන් ශූරතාවලිය කොළඹ MBA පිටියේදී සාර්ථකව නිමාවට පත්විය. මෙහිදී ප්‍රමුඛ පෙළේ සමාගම් නියෝජනය කරමින් සහභාගී වූ දක්ෂතම ක්‍රීඩක ක්‍රීඩිකාවන් රැසක් සමඟ කරට කර සටනක නිරත වෙමින්, MAS සමූහය ශ්‍රී ලංකාවේ අතිශයින් තරගකාරී ආයතනික ක්‍රීඩා ක්ෂේත්‍රය තුළ යළිත් වරක් විශිෂ්ට දස්කම් දැක්වීමට සමත් විය.
මෙහිදී විශිෂ්ට දස්කම් දැක්වූ MAS කණ්ඩායම, 240+ (ඒකාබද්ධ වයස් කාණ්ඩය) හි දෙවන ස්ථානය දිනාගත් අතර, පළඟ කාණ්ඩයේ යටතේ ද කණ්ඩායම උපරිම දස්කම් දක්වමින් එම කාණ්ඩයේ දෙවන ස්ථානයන් හිමිකර ගැනීමට සමත් විය. කණ්ඩායමේ අත්දැකීම් සපිරි බව සහ නැගී එන දක්ෂතා මනාව පෙන්නුම් කරමින්, MAS කණ්ඩායම විවිධ කාණ්ඩ යටතේ ප්‍රධාන ජයග්‍රහණ රැසක් අත්කරගැනීම කැපී පෙනෙන කරුණක්. එමගින් MAS සමූහය ක්‍රීඩාවට සහ සේවක සුබසාධනයට ලබා දෙන අඛණ්ඩ කැපවීම මනාව තහවුරු වේ.
14 වැනි අන්තර් සමාගම් කණ්ඩායම් යුගල බැඩ්මින්ටන් තරගාවලිය සඳහා MAS නියෝජනය කරමින් රන්දික ප්‍රනාන්දු, තෙවින් ජයසේකර, නවෝද් ජයසුන්දර, රංග රන්දුනු, වසන්ත ස්වර්ණතිලක, චමන පියතිස්ස, චිරන්ත කුලරත්න සහ මෝහන් කුමාර යන ක්‍රීඩකයෝ සහභාගී වූහ. එහිදී 240+ කාණ්ඩයේ සමස්ත අනුශූරතාවය දිනා ගැනීමට ඔවුන් සමත් විය.
පළඟ කාණ්ඩයේ අනුශූරතාව දිනාගත් MAS කණ්ඩායම රන්දික ප්‍රනාන්දු, තෙවින් ජයසේකර, ධරණී සිරිවර්ධන, නවෝද් ජයසුන්දර, රංග රන්දුනු, චාමර පියතිස්ස, වසන්ත ස්වර්ණතිලක, ජනුලි ජයසේකර සහ පුලිඳු ගොඩකන්ද ආරච්චි යන ක්‍රීඩක ක්‍රීඩිකාවන්ගෙන් සමන්විත විය.
මීට අමතරව දුමිඳු ගුණසිංහ, චරක ගුණවර්ධන, සුපිපි විජේවර්ධන, ඩෙනිස් කාංචන, මෝහන් කුමාර, දිනුක මධුරවල, පාලිත ලියනගේ, ප්‍රමෝද් චන්ද්‍රනායක සහ නෙමිත පතිරණ යන ක්‍රීඩක ක්‍රීඩිකාවෝ ආධුනික කාණ්ඩය යටතේ තරග කළහ.
වසර ගණනාවක් පුරා වෙළඳසේවා බැඩ්මින්ටන් තරගාවලියේදී කැපී පෙනෙන දක්ෂතා දක්වා ඇති MAS සමූහය ලබා ගත් එහි විවිධ අංශ සඳහා ඉහළ පෙළේ දක්ෂ ක්‍රීඩක ක්‍රීඩිකාවන්ගෙන් සමන්විත කණ්ඩායම් නිරන්තරයෙන් ඉදිරිපත් කර ඇත. කුසලාන දිනා ගැනීමට එහා ගිය සුවිශේෂී දස්කම් ප්‍රදර්ශනය කරමින්, මෙම ජයග්‍රහණයෙන් මනාව පිළිබිඹු වන්නේ කණ්ඩායම් හැඟීම, නොපසුබස්නා උත්සාහය සහ ක්‍රීඩා පිටිය ඇතුළත මෙන්ම පිටතදීද තම සාමාජිකයින් නිරන්තරයෙන් සවිබල ගැන්වීමට MAS සතු කැපවීමයි.
