විවිධාංගීකරණය වූ සමාගම් සමූහයක් වන සන්ෂයින් හෝල්ඩින්ග්ස් විසින් පසුගියදා ‘Roar of Glory’යන තේමාව යටතේ පවත්වන ලද ඔවුන්ගේ වාර්ෂික 2025 SUN සම්මාන උළෙලේදී විශිෂ්ට හැකියාවන් හා දක්ෂතාවයන් ප්රදර්ශනය කළ සාමාජික සාමාජිකාවන් සම්මානයට පාත්ර කරන ලදී. එහිදී සමාගම ඔවුන්ගේ සුව සේවා, පාරිභෝගික සහ කෘෂි ව්යාපාර යන අංශවල 2024/25 මූල්ය වර්ෂය තුළ අධිෂ්ඨානය, කැපවීම හා ධනාත්මක වෙනසක් ඇති කිරීමේ හැකියාව වැනි කැපී පෙනෙන ගුණාංග පෙන්නුම් කළ පුද්ගලයින් හා කණ්ඩායම් ඇගයීමට ලක් කෙරිණි.
මෙම සම්මාන උළෙල සමූහයේ විවිධ ව්යාපාරික ඒකක ආවරණය වන පරිදි දින දෙකක් පුරාවට පැවත්විණි. මෙහි පළමු දිනයේ ප්රධාන ආරාධිත අමුත්තා ලෙස උප සභාපති විෂ් ගෝවින්දසාමි මහතා සහභාගී වූ අතර සන්ෂයින් හෝල්ඩින්ග්ස් සමූහයේ ප්රධාන විධායක නිලධාරී ශ්යාම් සතාසිවම් මහතා ඇතුළු විධායක කමිටුවේ ප්රධාන සාමාජිකයින් මෙම සම්මාන උළෙලේ දෙවන දිනය සඳහා සහභාගී විය. කුසලතා, විශිෂ්ටතා සහ සභාපති සම්මාන ඇතුළුව පුද්ගල සහ කණ්ඩායම්වල විශිෂ්ට ජයග්රහණ අගයමින් මෙහිදී සම්මාන 215 ක් ප්රදානය කරන ලදී.
මෙහිදී සමූහය විසින් වසර 10 සිට 25 ක් දක්වා දීර්ඝ කාලයක් සමාගමේ සාර්ථකත්වය වෙනුවෙන් ඇප කැපවීමෙන් කටයුතු කළ සාමාජික සාමාජිකාවන් අගයමින් දිගුකාලීන සේවා සම්මාන 65ක්ද පිරිනමන ලදී. තවද සමාගම තුළ කණ්ඩායම් හැඟීම, මිත්රත්වය හා සුවිශේෂී සේවා සංස්කෘතියක් පවත්වාගෙන යාමට දක්වන ලද දායකත්වය වෙනුවෙන් තවත් සම්මාන 13ක් ද මෙහිදී ප්රදානය කෙරිණි.
මෙම උත්සවයන් අමතමින් සන්ෂයින් සමූහයේ ප්රධාන විධායක නිලධාරී ශ්යාම් සතාසිවම් මහතා පැවසුවේ “අද අපි සමරනු ලබන්නේ එක් එක් පුද්ගලයින්ගේ ජයග්රහණ පමණක්ම නොව සන්ෂයින් සමූහයේම සාමූහික ශක්තියයි. අප සමූහයේ 58 වන වසර සනිටුහන් කරන මේ අවස්ථාවේ මට සහාය දුන් ඔබ සැමට මම ස්තූතිවන්ත වනවා. අද අප මේ සමරනු ලබන්නේ ඔබගේ අභියෝග ජය ගැනීමට ඇති හැකියාව, ඔබගේ කැපවීම සහ අපේක්ෂා කළ දේට වඩා වැඩි යමක් කිරීමට ඔබගේ ඇති අධිෂ්ඨානය යන ඔබගේ කැපී පෙනෙන උත්සාහයන්. අපි ඉදිරිය දෙස බලන විට සියලු අභියෝගවලට මුහුණ දීම සඳහා එක්සත්ව හා එකමුතුකමෙන් වැඩ කිරීම, නොපසුබට උත්සාහය අපගේ මූලික වටිනාකම බවට පත් කර ගමු. මෙය අපගේ ජයග්රහණයේ හඬයි.” යනුවෙනි.
මෙම සම්මාන උළෙල සමූහයේ සාමාජික සාමාජිකාවන්ගේ කලා කුසලතාවලින් තව තවත් අලංකාර විය. එහිදී සිය ගායන හා නර්තන හැකියාවන් තුළින් මෙම සම්මාන වේදිකාව රසවත් කිරීමට සන්ෂයින් සාමාජික සාමාජිකාවන් කටයුතු කරන ලද්දේ කලා හැකියාවන් සඳහා ඔවුන් සතු ප්රතිභාව මනාව පෙන්නුම් කරමින්ය.
සමූහය 2025 මාර්තු 31 වනදායින් අවසන් වන මූල්ය වර්ෂය සඳහා රුපියල් බිලියන 59.3 ක ඒකාබද්ධ ආදායමක් වාර්තා කර ඇති අතර එය පසුගිය වසරට සාපේක්ෂව 7.0%ක වර්ධනයකි. මෙම කාර්යසාධනයට ප්රධාන වශයෙන් සුව සේවා අංශයෙන් විශාල දායකත්වයක් ලැබුණු අතර එය සමූහයේ මුළු ආදායමෙන් 55.0% ක් විය. එමෙන්ම සමූහයේ ආදායමට පාරිභෝගික සහ කෘෂි ව්යාපාර අංශ පිළිවෙලින් 31.6% ක් සහ 13.4% ක් ලෙස දායක වූ අතර ඉන් සමූහයේ සමබර හා විවිධාංගීකරණය වූ ව්යාපාර ආකෘතිය පෙන්නුම් කරයි.
සිය සාමාජික සාමාජිකාවන් සමාගමේ වටිනාම වත්කම බවට සන්ෂයින් හෝල්ඩින්ග්ස් හි විශ්වාසය සනාථ කරමින් 2025 SUN සම්මාන උළෙල සන්ෂයින් සාමාජික සාමාජිකාවන්ගේ කැපවීම, දක්ෂතා හා ජයග්රහණයන් සමරනු ලැබූ වැදගත් අවස්ථාවක් ලෙස පෙන්වා දිය හැකිය.
