සුපිරි බොලිවුඩ් තරුවක් වන සුනිල් ෂෙට්ටි පසුගියදා පැවති Signature Diwali Glitz සමඟ එක් වෙමින් City of Dreams Sri Lanka වෙත ආකර්ෂණීය අත්දැකීමක් එක් කළේය- ශ්රී ලංකාවට පැමිණ NUWA Sri Lanka හි නවාතැන් ගත් සුනිල් ෂෙට්ටි ශ්රී ලාංකේය රසිකයින් වෙත අමතක නොවන අත්දැකීමක් උදා කර දීමට සමත් වූයේ ඔවුන් සමඟ විශේෂ අවස්ථාවන් රැසකට එක් වෙමිනි. ක්රිකට් ක්රීඩාව සම්බන්ධයෙන් උනන්දුවක් දක්වන ඔහු ශ්රී ලංකාවේ ක්රිකට් විශිෂ්ටත්වය පිළිබඳ මහත් ඉහලින් සඳහන් කළ අතරම ශ්රී ලංකාවේ සංචාරක ආකර්ෂණය හා සුවිශේෂී සත්කාරය පිළිබඳවද ප්රශංසා කරන ලදී. ශ්රී ලංකාව හා ඉන්දියාව අතර පවතින සංචාරක සබඳතාවයේ තවත් සුවිසල් පියවරක් වූ සුනිල් ෂෙට්ටිගේ සංචාරය City of Dreams Sri Lanka හි දීපවාලී සැමරුමටද ඉමහත් ආලෝකයක් විය.
