இலங்கையின் முன்னணி நிதி நிறுவனமான HNB Finance PLC, நாட்டின் பிரபலமான மோட்டார் வாகன இறக்குமதி நிறுவனமான Indra Traders நிறுவனத்துடன் அண்மையில் ஒரு ஒப்பந்தத்தில் கையெழுத்திட்டது. இந்த ஒப்பந்தத்தின் மூலம், HNB Finance மற்றும் Indra Traders நிறுவனங்களின் நாடு முழுவதிலுமுள்ள வாடிக்கையாளர்கள், கவர்ச்சிகரமான லீசிங் வசதிகள் மற்றும் பல நன்மைகளுடன் Indra Traders நிறுவனத்திடமிருந்து மோட்டார் வாகனங்களை வாங்கும் வாய்ப்பைப் பெறுவார்கள். இந்த ஒப்பந்தத்தில் கையெழுத்திடும் நிகழ்வு ஆகஸ்ட் 15 ஆம் திகதி HNB Finance PLC நிறுவனத்தின் தலைமையகத்தில் நடைபெற்றது.
இந்த மூலோபாய ஒப்பந்தத்தின்படி, HNB Finance கவர்ச்சிகரமான வட்டி விகிதம் மற்றும் பல நன்மைகளுடன் Indra Traders நிறுவனத்திலிருந்து புதிய மோட்டார் வாகனம் அல்லது உயர்தர தரம் உறுதிசெய்யப்பட்ட பயன்படுத்தப்பட்ட மோட்டார் வாகனத்தை வாங்கும் வாய்ப்பை வழங்கும். மேலும், HNB Finance லீசிங் வசதியின் கீழ் வாங்கப்படும் மோட்டார் வாகனங்களின் இயந்திரம் மற்றும் கியர் அமைப்புக்கு மூன்று ஆண்டுகள் முழுமையான உத்தரவாதத்தை வழங்கும், மேலும் பதிவுசெய்யாத மோட்டார் வாகனங்களின் ஹைப்ரிட் பேட்டரிக்கு மூன்று ஆண்டுகள் உத்தரவாதம் வழங்கப்படும். Indra மோட்டார் வாகன உதிரிபாகங்கள் பிரைவேட் லிமிடெட் நிறுவனத்திடமிருந்து மோட்டார் வாகன உதிரிபாகங்களுக்கு 10% தள்ளுபடி மற்றும் Indra சர்வீஸ் பார்க் நிறுவனத்திலிருந்து 03 இலவச மோட்டார் வாகன சேவைகள் ஆகியவை HNB Finance லீசிங் வாடிக்கையாளர்களுக்கு கிடைக்கும். மேலும், பதிவுசெய்யப்பட்ட முன்னைய உரிமையாளர்களைக் கொண்ட மோட்டார் வாகனங்களுக்கு Indra சர்வீஸ் பார்க் நிறுவனத்திலிருந்து பெறப்படும் சேவைகள் மூன்றுக்கும் தொழிலாளர் கட்டணம் வசூலிக்கப்படாது. மேலும், இந்த வகை மோட்டார் வாகனங்களின் இயந்திரம் மற்றும் கியர் அமைப்புக்கு ஆறு மாதங்கள் உத்தரவாதம் வழங்க Indra Traders நிறுவனம் நடவடிக்கை எடுத்துள்ளது.
HNB Finance PLC இன் முகாமைத்துவப் பணிப்பாளரும் பிரதம நிறைவேற்று அதிகாரியுமான திரு. சமிந்த பிரபாத் அவர்கள், HNB Finance மற்றும் Indra Traders நிறுவனங்களுக்கு இடையே ஏற்படுத்திக்கொள்ளப்பட்ட இந்த ஒப்பந்தம் குறித்து கருத்து தெரிவிக்கையில், “Indra Traders நிறுவனத்துடன் ஒரு ஒப்பந்தத்தில் கையெழுத்திட வாய்ப்பு கிடைத்ததில் மிகவும் மகிழ்ச்சியடைகிறேன். இந்த ஒப்பந்தத்தின் மூலம், எங்களின் வாடிக்கையாளர்களுக்கு அதிக இலாபம் தரக்கூடிய தனித்துவமான லீசிங் வசதிகளை வழங்க முடியும். மேலும், இந்த கூட்டணியின் மூலம் வாடிக்கையாளர்கள் தங்கள் மோட்டார் வாகனத்திற்காக செய்யும் முதலீட்டிற்கு நம்பகத்தன்மை மற்றும் அதிக மதிப்பும் கிடைக்கும்” என்று கூறினார்.
இதேவேளை, Indra Traders நிறுவனத்தின் விற்பனை மற்றும் சந்தைப்படுத்தல் பணிப்பாளர் திரு. ஹஷிந்திர சில்வா அவர்கள் கருத்து தெரிவிக்கையில், “Indra Traders என்பது எப்போதுமே நம்பகத்தன்மை, தரம், உயர்தர சேவை மற்றும் விற்பனைக்குப் பிந்தைய சேவை ஆகியவற்றில் கவனம் செலுத்தி வருகிறோம். பல தசாப்தங்களின் அனுபவத்துடன், மோட்டார் வாகனத் துறையில் தனித்துவமான வாடிக்கையாளர் நம்பிக்கையை நாங்கள் பெற்றுள்ளோம். ஒரு பரிவர்த்தனையை விட அதிகமான, நம்பகமான மற்றும் நீடித்த வாடிக்கையாளர் உறவுகளை உருவாக்குவதிலும், வாடிக்கையாளர் திருப்தியை அதிகபட்சமாக வைத்திருக்கவும் நாங்கள் எப்போதும் பணியாற்றி வருகிறோம். இந்த நடவடிக்கையில், எங்கள் அனுபவம் வாய்ந்த திறமையான குழு, இதற்கு மிகவும் நட்புமுறையில் பங்களிப்பது எங்கள் மிகப்பெரிய வலிமையாகும். இறுதியாக, Indra Traders என்பது ஒரு வணிக நிறுவனத்தைத் தாண்டிய, சமூகத்திற்கு பல மதிப்புகளை வழங்கும் ஒரு நிறுவனம் என்பதில் எந்த சந்தேகமும் இல்லை” என்று கூறினார்.
