සියවස් ගණනාවක අතීතයකට හිමිකම් කියන චීන සම්ප්රදාය අගයමින් චීන සංස්කෘතිය හා අභිමානය පෙරටු කොටගත් නව චන්ද්ර වර්ෂය සැමරීමේ සුවිශේෂී උත්සවයක් පසුගියදා City of Dreams Sri Lanka හිදී පැවැත්විණ. ශ්රී ලංකාවේ සංචාරයේ නියුතු චීන ජාතිකයින් මෙන්ම ශ්රී ලාංකිකයින් රැසක්ද මෙම අවස්ථාවට එක්ව සිටියේ චීනයේ සංස්කෘතික වටිනාකම් බෙදාහදා ගැනීමේ අසමසම අත්දැකීම භුක්ති විඳීම වෙනුවෙනි.
රතු හා රන්වන් පැහැයෙන් යුත් සාම්ප්රදායික චීන සැරසිලිවලින් හැඩ ගැන්වුණු හෝටල් පරිශ්රය අලංකාර චීන පහන් කූඩු වලින් මෙන්ම ආකර්ෂණීය මල් සැරසිලිවලින් ද දුටුවන්ගේ නෙත් සිත් පැහැර ගත්තේ සැබෑ උත්සව සිරියක් ප්රදර්ශනය කරමිනි. පවුල, වාසනාව හා නව ආරම්භය සනිටුහන් කරන චන්ද්ර වර්ෂය වෙනුවෙන් සිදු කරන මෙම සැමරුම වාසනාවේ සැමරුමක් ලෙස අමුත්තන් සමඟ බෙදාහදා ගැනීමට City of Dreams Sri Lanka කටයුතු කරනු ලැබුවේ චීන සංස්කෘතියේ රසවත් ආහාර පානයන් රිසි සේ රස විඳීමේ අවස්ථාවද ඔවුන් වෙත උදා කර දෙමිනි.
චන්ද්ර වර්ෂ සැමරුමෙහි සුවිශේෂී අවස්ථාවක් බවට පත් වූයේ චාරිත්රානුකූල සිංහ නර්තනයයි. හෝටල් පරිශ්රයේ බොහෝ තැන් පාදක කර ගනිමින් සජීවී බෙර නාද රටාවන් සමඟින් ආරක්ෂාව හා වාසනාව සංකේතවත් කිරීමට මෙම සිංහ නර්තනය සමත් වූයේ රැස්ව සිටි පිරිසගේ නෙත් සිත් පැහැර ගනිමිනි.
මෙම සුවිශේෂී සැමරුම සම්බන්ධයෙන් අදහස් දැක්වූ City of Dreams Sri Lanka හි උප සභාපති සහ සාමාන්යාධිකාරී මයිකල් හබාෂි මහතා සඳහන් කර සිටියේ “වාසනාව, සතුට සහ දියුණුව ප්රාර්ථනා කරමින් සමරනු ලබන චන්ද්ර වර්ෂ සැමරුම City of Dreams Sri Lanka හිදී ඉතා විචිත්රවත් හා ආකර්ෂණීය අයුරින් පවත්වමින් සියලු අමුත්තන් වෙත නැවුම් අත්දැකීමක් ලබා දීමට හැකි වීම පිළිබඳව ඉතාමත් සතුටුයි.” යනුවෙනි.
මෙම සුවිශේෂී සැමරුම වෙනුවෙන් Spice8 සහ Sapphire Dragon හිදී ප්රණීත ආහාර පාන සමඟින් රසවත් අත්දැකීමක් අමුත්තන් වෙත ලබා දීමට City of Dreams Sri Lanka කටයුතු කර තිබිණ. එහිදී චන්ද්ර වර්ෂය වෙනුවෙන් විශේෂයෙන් නිර්මාණය කළ ආහාර වට්ටෝරු රැසක් රස විඳීමට ඔවුන්ට හැකියාව උදා කර දුන්නේ තම ආදරණීයයන් සමඟ සතුට බෙදා හදා ගැනීමේ සුවිසල් අවස්ථාවක්ද නිර්මාණය කරමිනි.
සෑම විටම සෑම සංස්කෘතියකම ප්රෞඩත්වය සිය පාරිභෝගිකයින් වෙත ගෙන ඒමට සමත්ව සිටින City of Dreams විනෝදාස්වාදයේ පාරාදීසයක් බවට පත් ඇත්තේ සාම්ප්රදායික පාරිභෝගික සිතුම් පැතුම්වලට ගෞරවයක් එක් කරමිනි. සැබෑ ආගන්තුක සත්කාරය හා ජාත්යන්තර අත්දැකීම් බෙදා ගැනීමේ එවන් කදිම අවස්ථාවක් ලෙස මෙම චීන සංස්කෘතියේ චන්ද්ර වර්ෂ සැමරුම සඳහන් කළ හැකිය.
