ශ්‍රී ලංකාවේ පෞද්ගලික බැංකු ක්ෂේත්‍රයේ ප්‍රමුඛ බැංකුවක් වන හැටන් නැෂනල් බැංකුව දිවයින පුරා ISUZU වාහන සඳහා ලීසිං විසඳුම් ලබා දීම සහ ප්‍රවර්ධනය කිරීම සඳහා සතොස මෝටර්ස් සමඟ පසුගියදා අත්වැල් බැඳගත්තේය. මෙම හවුල්කාරිත්වයට අදාල අවබෝධතා ගිවිසුමට අත්සන් තැබීම ආයතන දෙකෙහිම ජ්‍යෙෂ්ඨ නිළධාරීන්ගේ සහභාගීත්වයෙන් සිදු විය. HNB හි ලීසිං සේවා සහ සතොස මෝටර්ස් හි වාහන පිළිබඳ විශේෂඥතාව සමඟින් ව්‍යාපාරික ගනුදෙනුකරුවන්ට සහ පුද්ගලික භාවිතය සඳහා වාහන අවශ්‍ය පාරිභෝගිකයින්ට ගැලපෙන පරිදි විශේෂයෙන් නිර්මාණය කළ ලීසිං විසඳුම් ලබා ගැනීමට අවස්ථාව ඇත.
මේ පිළිබඳව අදහස් දක්වමින් HNB හි ජ්‍යෙෂ්ඨ උප සභාපති සහ පාරිභෝගික බැංකුකරණ ප්‍රධානී කාංචන කරුණාගම මහතා පැවසුවේ “පුද්ගලයින්ට විශ්වසනීය වාහනයක් ලබා ගැනීමේදී එය පහසුවෙන් සහ දැරිය හැකි මිලකට ලබා ගත හැකි විය යුතු බව HNB හි අප විශ්වාස කරනවා. සතොස මෝටර්ස් සමඟ මෙම හවුල්කාරිත්වය හරහා වැඩි පිරිසකට සහ ව්‍යාපාරවලට ප්‍රයෝජනවත් ලීසිං විසඳුම් ලබා දීමට අපට හැකියි. පාරිභෝගිකයින්ට ඔවුන්ගේ එදිනෙදා ජීවිතයට, ව්‍යාපාරික කටයුතුවලට සහ දිගුකාලීන වර්ධනයට සහාය වන මූල්‍ය විසඳුම් ලබා දීමට HNB හි කැපවීම මෙයින් මැනවින් පෙන්නුම් කරනවා.” යනුවෙනි.
HNB සහ සතොස මෝටර්ස් හි අරමුණ වන්නේ සාමාන්‍ය පාරිභෝගිකයින්ට වාහන හිමිකාරිත්වය වඩාත් පහසු කිරීමයි. වැඩි පිරිසකට විශ්වාසදායක වාහන ලබා ගැනීමට උපකාර කිරීමෙන් දේශීය ව්‍යාපාරයන් ශක්තිමත් කිරීම, පුද්ගලයින්ගේ දෛනික ජීවිත වැඩිදියුණු කිරීම සහ ශ්‍රී ලංකාව පුරා දිගුකාලීන, තිරසාර වර්ධනයක් ඇති කිරීම ආදී ධනාත්මක බලපෑමක් ඇති කරනු ඇතැයි ඔවුන් විශ්වාස කරයි.
‘HNB සමඟ අත්වැල් බැඳගැනීමට ලැබීම පිළිබඳව අප ආඩම්බර වනවා. ISUZU වාහන ඒවායේ කල්පැවැත්ම සහ ක්‍රියාකාරිත්වය සඳහා ලොව පුරා විශ්වාස දිනා සිටින නාමයක්. HNB හි ලීසිං විසඳුම් සමඟින්, වැඩි ශ්‍රී ලාංකිකයින් පිරිසකට දැන් එම විශ්වසනීයත්වය අත්විඳීමට හැකියි. අප ආයතන දෙක එක්ව වාහන හිමිකාරිත්වය වඩාත් පහසු සහ අපගේ පාරිභෝගිකයින්ට ප්‍රතිලාභදායක බවට පත් කරනවා.” යනුවෙන් සතොස මෝටර්ස් හි විකුණුම් හා අලෙවි අධ්‍යක්ෂ ඩර්ක් ජොෂුවා මහතා පැවසීය.
ශ්‍රී ලංකාවේ වාහන ලීසිං අත්දැකීම වෙනස් කිරීමට සහ වැඩිදියුණු කිරීමට HNB සහ සතොස මෝටර්ස් එක්ව කටයුතු කරයි. තවද මෙම හවුල්කාරිත්වය නම්‍යශීලී මූල්‍යකරණ විසඳුම්, විශ්වාසදායක සේවාවක් සහ දිවයින පුරා ශක්තිමත් පැවැත්මක් සමඟින් උසස් තත්ත්වයේ ISUZU වාහනයක් හිමිකර ගැනීම දැන් පාරිභෝගිකයින්ට ප්‍රායෝගික, විශ්වාසදායක සහ ප්‍රතිලාභදායක තේරීමක් බව සහතික කරයි.
