Sunshine Holdings PLC (CSE: SUN) அண்மையில் தனது ‘Smart Life Challenge’ என்ற தாக்கத்தை ஏற்படுத்தும் முயற்சியை வெற்றிகரமாக நிறைவு செய்தது. இந்த மனிதவள முயற்சி ஊழியர்களிடையே நீண்டகால ஆரோக்கியமான வாழ்க்கை முறைகளை ஊக்குவிப்பதற்காக வடிவமைக்கப்பட்டது. இந்த வெற்றிகரமான முயற்சியானது, ஊழியர்கள் ஆரோக்கியமான முறையில் பணிபுரிந்து ஆரோக்கியமாக ஓய்வு பெறுவதை உறுதிசெய்வதற்கான சன்ஷைனின் முன்னோக்கிய அணுகுமுறையை எடுத்துக்காட்டுகிறது. அதேபோல, இந்த திட்டம் நேர்மறையான மற்றும் உற்பத்தித்திறன் மிக்க பணிச்சூழலை உருவாக்கும் நிறுவனத்தின் நோக்கத்தை வலுப்படுத்துகிறது. தொடர்ந்து நடைபெறும் திட்டமாக இதனை முன்னெடுக்க எதிர்பார்க்கப்பட்டுள்ளது. இது ஊழியர்களின் ஆரோக்கியம் மற்றும் நலனுக்கு நீடித்த பலன்களை வழங்கும்.
‘Sunshine Smart Life Challenge’ என்பது மூன்று மாத கால உடற்பயிற்சி மற்றும் சுகவாழ்வு திட்டமாகும். இதில் அனைத்து வணிகப் பிரிவுகளின் ஊழியர்களும் தனிநபர் மற்றும் குழு செயல்பாடுகளில் பங்கேற்றனர். ஒவ்வொரு குழுவிலும் 10 உறுப்பினர்கள் இருந்தனர். அவர்கள் இரண்டு வாரங்களுக்கு ஒருமுறை உடற்பயிற்சி அமர்வுகளில் கலந்து கொண்டனர். தொழில்முறை பயிற்சியாளர்கள் மற்றும் ஊட்டச்சத்து நிபுணர்கள் இந்த அமர்வுகளை வழிநடத்தி, ஊழியர்களுக்கு தனிப்பட்ட ஆரோக்கிய ஆலோசனைகளையும் ஆதரவையும் வழங்கினர்.
இந்த திட்டத்தின் தாக்கத்தைப் பற்றி sunshine குழுமத்தின் தலைமை மனிதவள அதிகாரி மிஷெல் சேனநாயக்க கருத்து தெரிவிக்கையில், ‘sunshine இல் எங்களது தத்துவம் தெளிவாக உள்ளது. நாங்கள் வெளியில் மாத்திரம் சுகாதாரத்தை ஊக்குவிப்பதில்லை. மாறாக, உள்ளகத்திலும் அதை தீவிரமாக ஆதரிக்கிறோம். smart life challenge என்பது நிறுவன வலிமையின் அடித்தளமான ஊழியர் சுகவாழ்வில் எங்களது ஆழமான நம்பிக்கையின் வெளிப்பாடாகும். இந்த தனித்துவமான முயற்சி ஊடாக ஆரோக்கியமான பழக்கவழக்கங்களையும், வாழ்க்கை முறைகளையும் வளர்ப்பதன் மூலம், எங்கள் ஊழியர்கள் தொழில்ரீதியாக சிறப்பாக செயல்படுவதோடு மாத்திரமன்றி, தனிப்பட்ட வாழ்க்கையிலும் சிறப்பாக செயல்பட முடியும். இதனால் அவர்கள் ஆரோக்கியமாகவும், மகிழ்ச்சியாகவும் ஓய்வு பெற முடியும்’ என்று அவர் குறிப்பிட்டார்.
பங்கேற்பாளர்கள் தொடர்ந்து மதிப்பீடு செய்யப்பட்டு, எடை மேலாண்மை, உடல் தாங்கும் திறன் மற்றும் முற்றிலும் ஆரோக்கிய மேம்பாடுகளுக்கான தனிப்பட்ட உடற்தகுதி இலக்குகளை அடைய ஊக்குவிக்கப்பட்டனர். இந்த சவால் சக ஊழியர்களிடையே நட்புறவையும், ஆரோக்கியமான போட்டி மனப்பான்மையையும் வளர்த்தது. குறிப்பிட்ட உடற்பயிற்சி திட்டங்களை வெற்றிகரமாக நிறைவு செய்த தனிநபர்களுக்கும் குழுக்களுக்கும் சிறப்பு ஊக்கத்தொகைகள் வழங்கப்பட்டன. இதனால் ஊக்கமும், பங்கேற்பும் குறிப்பிடத்தக்களவு அதிகரித்தன.
Smart Life Challenge என்பது Sunshine Holdings நிறுவனம் தனது ஊழியர்களின் வாழ்க்கைத் தரத்தை மேம்படுத்த எடுக்கும் முயற்சியின் சிறந்த எடுத்துக்காட்டாகும். ஆரோக்கியம் என்பது வெறும் தயாரிப்புகள் மற்றும் சேவைகளோடு மாத்திரம் நின்றுவிடாமல், உண்மையான மற்றும் அர்த்தமுள்ள வாழ்க்கை முறை மாற்றங்களாக மாறுவதை இந்த திட்டம் உறுதி செய்கிறது.
Sunshine Holdings பற்றி
Sunshine Holdings PLC என்பது பொதுவாக பட்டியலிடப்பட்ட பன்முகப்படுத்தப்பட்ட குழுமமாகும். இது இலங்கைப் பொருளாதாரத்தின் முக்கியத் துறைகளான சுகாதாரம், நுகர்வோர் வர்த்தகநாமங்கள் மற்றும் விவசாய வணிகம் ஆகியவற்றில் மதிப்பை உருவாக்குவதன் மூலம் நாட்டின் வளர்ச்சிக்கு பங்களிக்கிறது. 1967இல் நிறுவப்பட்ட இந்த நிறுவனத்துக்கு Zesta Tea, Watawala Tea, Ran Kahata, Daintee, Milady, Healthguard மருந்தகம் மற்றும் லினா உற்பத்தி போன்ற முன்னணி வர்த்தகநாமங்கள் சொந்தமானது. இந்நிறுவனத்தில் 2,000க்கும் மேற்பட்ட ஊழியர்கள் பணிபுரிகின்றனர். 23/24 நிதியாண்டில் 55 பில்லியன் ரூபாய் வருவாயை ஈட்டியுள்ளது. இதன் Sunshine Healthcare Lanka, Sunshine Consumer Lanka மற்றும் Watawala Plantations PLC உள்ளிட்ட வணிகப் பிரிவுகள் அனைத்தும் தங்கள் துறைகளில் முன்னணியில் உள்ளன. இவற்றில் பல பிரிவுகள் 2024இல் ‘வேலை செய்வதற்கு சிறந்த இடம்'(Great Place to Work) என சான்றளிக்கப்பட்டுள்ளன.
