இலங்கையின் நம்பகமான நிதிப் பங்காளியான Softlogic Capital இன் முழு சேவை வழங்கும் பிரிவான Softlogic Stockbrokers, கொழும்பு பங்குச் சந்தையில் இணையும் புதிய முதலீட்டாளர்களுக்கு முதன்முறையாக புதிய டிஜிட்டல் தீர்வை அறிமுகப்படுத்தி தொழில்துறையில் ஒரு புதிய மைல்கல்லை எட்டியுள்ளது. இந்தப் புதிய அறிமுகத்தின் மூலம், பங்குச் சந்தையில் வியாபார நடவடிக்கைகளை மேற்கொள்ள விரும்பும் புதிய முதலீட்டாளர்கள் ஒரு மணி நேரத்திற்குள் மத்திய வைப்புத்தொகை அமைப்பில் (CDS) தங்கள் கணக்குகளைத் திறக்க முடியும். இதுவரை 24-48 மணிநேரம் எடுத்தது, இது தொழிலில் குறிப்பிடத்தக்க மாற்றத்தை ஏற்படுத்தியுள்ளது. 5,000க்கும் அதிகமான வாடிக்கையாளர்களை முழுமையாக டிஜிட்டல் செயன்முறையின் மூலம் அறிமுகப்படுத்தி இலங்கையின் முதல் நிறுவனமாக Softlogic நிறுவனம் மாறியதை அடுத்து இந்த புதிய அறிமுகம் இடம்பெற்றுள்ளமை குறிப்பிடத்தக்கது.
நவம்பர் 2022 இல் நிறுவப்பட்ட, இந்த ஆன்லைன் தளம் ஒரு புத்தம் புதிய டிஜிட்டல் தீர்வாகும். இது எதிர்கால முதலீட்டாளர்கள் CSE யில் எளிதாக முதலீடு செய்வதற்கு தொடர்ச்சியான டிஜிட்டல் சேவையை வழங்குவதன் மூலம் நாட்டின் பங்குச் சந்தையை முன்னேற்றுவிக்கும். இந்த டிஜிட்டல் சேவையானது உள்ளூர் பாவனையாளர்களுக்கு ஏற்றது, கணக்குகளைத் திறப்பதில் எளிதான, வேகமான மற்றும் திறமையான அனுபவத்தை வழங்குகிறது.
Softlogic Stock Brokers இன் பணிப்பாளர்/பிரதம நிறைவேற்று அதிகாரி திஹான் தெடிகம கூறுகையில், “CSE இல் முதலீடு செய்வதற்கு எவரும் எந்த நேரத்திலும் எங்கிருந்தும் அணுகக்கூடிய டிஜிட்டல் தளத்தை அறிமுகப்படுத்துவதில் நாங்கள் மகிழ்ச்சியடைகிறோம். இந்த டிஜிட்டல் தீர்வை உருவாக்க எங்கள் குழுக்கள் கடுமையாக உழைத்தன. இந்த சேவையை வழங்கும் இலங்கையின் முதல் தரகு நிறுவனம் என்பதில் நாங்கள் பெருமை கொள்கிறோம்.
5000 ஆன்லைன் கணக்குகளைத் திறந்த முதல் நிறுவனம் என்பதால், தொழில்நுட்ப புத்தாக்கங்களின் அடிப்படையில் மற்ற நிறுவனங்களை விட நாங்கள் முன்னிலையில் இருக்கிறோம். இந்த ஆன்லைன் தளம், எங்கள் வாடிக்கையாளர்களுக்கு சிறந்த சலுகைகளை வழங்குவதன் மூலம் அவர்களை வடிவமைப்பதில் எங்களின் அர்ப்பணிப்புக்கு சரியான சான்றாகும். இலங்கையின் மூலதனச் சந்தையை நாட்டின் அனைத்துப் பகுதிகளுக்கும் அணுகக்கூடிய வகையில் மாற்றியமைக்கும் புத்தாக்கமான டிஜிட்டல் தீர்வுகளுடன் தொடர்ந்து முன்னேற நாங்கள் எதிர்நோக்குகிறோம்.” என தெரிவித்தார்.
கடந்த தசாப்தத்தில், Softlogic Stockbrokers ஆயிரக்கணக்கான உள்ளூர் மற்றும் வெளிநாட்டு வாடிக்கையாளர்களுக்கு தங்கள் பங்குகளை முதலீடு செய்வதிலிருந்து ஒரு சில முதலீட்டாளர்களுக்கு அவர்களின் மூலதனத்தை அதிகரிக்க உதவியுள்ளது. நிறுவனம் தனது வாடிக்கையாளர்களுக்கு சிறந்த நிதி தொடர்பான முடிவுகளை எடுப்பதற்கு உதவும் சந்தை உத்திகளை உருவாக்க மாறிவரும் சந்தை நிலைமைகளை தொடர்ந்து ஆய்வு செய்யும் ஒரு பிரத்யேக ஆராய்ச்சிக் குழுவைக் கொண்டுள்ளது. இந்த அறிவு WhatsApp Updates, Audio reports, Webinars மற்றும் புதிய முதலீட்டு வாய்ப்புகளை அடையாளம் காண ஆழமான ஆராய்ச்சி அறிக்கைகள் உள்ளிட்ட சமூக ஊடக தளங்கள் மூலம் பெறப்படுகிறது.
Softlogic Stock Brokers இன் நிறைவேற்றுப் பணிப்பாளர் இப்திகார் அஹமட் தெரிவிக்கையில், “இலங்கையர்கள் நிதி அமைப்பை டிஜிட்டல் மயமாக்குவதற்கும் பங்குச் சந்தையில் முதலீடு செய்வதற்கும் ஊக்கமளிக்கும் நோக்கத்துடன் இந்த தீர்வு பிறந்தது.
பல துறைகளைப் போலவே, புதிய முதலீட்டாளர்களின் மாறும் தேவைகள் மற்றும் எதிர்பார்ப்புகளைப் பூர்த்தி செய்ய , குறிப்பாக வசதி மற்றும் நேரம் வரும்போது நிதித் துறை மிகவும் தயாராக இருக்க வேண்டியது அவசியம். இன்று வாடிக்கையாளர்களுக்கு விரைவான மற்றும் எளிதான தீர்வுகள் தேவை, அதைத்தான் எங்கள் ஆன்லைன் கணக்கு திறப்பு அமைப்பு வழங்குகிறது. இந்த புத்தாக்கமான தீர்வு, பங்குச் சந்தையில் வழங்கப்படும் வருங்கால முதலீட்டாளர்களுக்கு புதிய அனுபவத்தை வழங்கும் என்று நாங்கள் நம்புகிறோம்.” என தெரிவித்தார்.
ஆராய்ச்சித் துறையில் தனது நிபுணத்துவத்தை வெளிப்படுத்தும் வகையில், அண்மையில் நடைபெற்ற ‘CFA Capital Market Awards 2021’ இல் பங்குச் சந்தை தொடர்பான இலங்கையின் சிறந்த ஆய்வு அறிக்கைக்காக Softlogic Stockbrokers அங்கீகரிக்கப்பட்டது.
ஊடகவியலாளர் சந்திப்புகளை நடத்துதல், முதலீட்டு ஆலோசனைகளை மூன்று மொழிகளிலும் நடத்துதல், ஒழுங்குமுறையாளர்களுடன் பொது கலந்துரையாடல்களை நடத்துதல் மற்றும் கொழும்பு பங்குச் சந்தையுடன் இணைந்து உள்ளூர் முதலீட்டாளர்களுக்கான கல்வி மன்றங்களை ஏற்பாடு செய்தல், இந்த புதிய CDS கணக்கைத் திறக்கும் டிஜிட்டல் தீர்வை அறிமுகப்படுத்துவதுடன், புத்தாக்கமான மற்றும் வேகமான சேவையை வழங்குவதில் ஏனைய நிறுவனங்களை விட Softlogic Stockbrokers முன்னணியில் உள்ளது.
Softlogic Stockbrokers தொடர்பில்
Softlogic Stockbrokers (Pvt) Ltd என்பது இலங்கை பங்குகள் மற்றும் பரிவர்த்தனை ஆணைக்குழுவின் (SEC) உரிமம் பெற்ற கொழும்பு பங்குச் சந்தையில் இயங்கும் ஒரு தரகு நிறுவனமாகும். இது Softlogic Holdings இன் நிதிப் பிரிவாகும், இது இலங்கையில் உள்ள பலதரப்பட்ட நிறுவனங்களின் குழுவான Softlogic Capital PLC க்கு சொந்தமான நிறுவனம் என்பதும் இங்கு குறிப்பிடத்தக்கது.
