ශ්රී ලංකාවේ දේපළ වෙළඳාම් ක්ෂේත්රයේ ප්රමුඛයා වන Prime සමූහ ව්යාපාරයේ ඉදිකිරීම් සමාගම වන Prime Constructions (පුද්.) සමාගම ISO 9001:2015 සහතිකකරණය හිමිකර ගැනීමට පසුගියදා සමත් විය. ගුණාත්මකභාවය, විශ්වාසනීයත්වය සහ ජාත්යන්තරව පිළිගත් ප්රමිතීන් අනුගමනය කිරීම හේතුවෙන් Prime Constructions වෙත මෙම සහතිකකරණය හිමි විය.
Prime Constructions සමාගම ව්යපෘතියක මූලික සැලසුම් මට්ටමේ සිට අවසානය දක්වා සෑම අදියරකදීම නිවැරදි හා සාර්ථක ක්රමවේදයන් අනුගමනය කරමින් දෝෂ අවම කිරීම, මිල අධික නිවැරදි කිරීම් අවම කිරීම සහ විශ්වාසනීයත්වය ආරක්ෂා කිරීම සඳහා කැප වී සිටින බවට මෙම සහතිකකරණය සාක්ෂි දරයි. මේ හේතුවෙන් සමාගම සෑම ව්යාපෘතියකදීම ජාත්යන්තරව පිළිගත් කළමනාකරණ ප්රමිතීන් අනුගමනය කරන බවට ගනුදෙනුකරුවන් තුළ ඇති විශ්වාසය තවදුරටත් තහවුරු වේ. එමෙන්ම එය ශ්රී ලංකාවේ වඩාත්ම විශ්වාසනීය සහ ඉදිරිගාමී චින්තනයක් සහිත දේපළ වෙළඳාම් සන්නාමය ලෙස Prime සමූහය සතු පිළිගැනීම තවදුරටත් ශක්තිමත් කරන ජයග්රහණයකි.
Prime සමූහය සෑම ව්යාපෘතියක්ම නියමිත කාලසීමාව සහ අදාළ පිරිවැය සීමාව තුළ ඉහළම ප්රමිතියෙන් යුක්තව අවසන් කරන බවට පාරිභෝගිකයන් තුළ පවතින විශ්වාසය මෙමඟින් තවදුරටත් ශක්තිමත් වනු ඇත. අමුද්රව්ය සපයා ගැනීම, අධීක්ෂණය සහ ඉදිකිරීම් සන්ධිස්ථාන සම්බන්ධ තොරතුරු පහසුවෙන් සොයාගැනීමට උපකාරී වන විනිවිදභාවයෙන් යුත් සන්නිවේදන ක්රියාවලියක් සමාගම විසින් පවත්වාගෙන යනු ලැබීම, නිවාස හිමියන්ට ලැබෙන තවත් වාසියකි. මේ ආකාරයට පාරිභෝගික තෘප්තිය තම මෙහෙයුම්වල අනිවාර්ය අංගයක් බවට පත්කර ගනිමින්, පාරිභෝගිකයන්ගේ අවශ්යතා කඩිනමින් හා කාර්යක්ෂම ලෙස ඉටුකිරීම සඳහා සමාගම දරන උත්සාහය සපුරාම සාර්ථක වී ඇති බව මෙම සහතිකකරණය මඟින් තහවුරු වේ.
ආයෝජකයන් සහ ව්යාපාරික හවුල්කරුවන් සම්බන්ධයෙන් ගත් විට, ISO 9001:2015 සහතිකකරණය යනු Prime Constructions සමාගමේ ශක්තිමත් ආයතනික පාලනය, නියාමන අවශ්යතා හා ගෝලීය ප්රමිති මට්ටම් අනුගමනය කිරීම සහ අඛණ්ඩව වැඩිදියුණු කිරීම් සිදුකිරීම යන සාධනීය ලක්ෂණ හඟවන සාධකයකි. මෙම සහතිකකරණය මඟින් පිරිවැය කාර්යක්ෂමතාව ඉහළ යන අතරම, මෙහෙයුම් දෝෂ සහ සම්පත් අපතේ යාම අවම වේ. මෙහි ප්රතිඵලයක් ලෙස තරගකාරී මිලගණන් ඉදිරිපත් කිරීමට මෙන්ම අනපේක්ෂිත පිරිවැය ඇති වීම වළක්වා ගැනීමටද සමාගමට හැකියාව ලැබේ.
“ගුණාත්මකභාවය, විනිවිදභාවය සහ අඛණ්ඩ වැඩිදියුණු කිරීම සඳහා සමාගම දක්වන කැපවීම ISO 9001:2015 සහතිකකරණය හිමි වීම තුළින් මැනැවින් පිළිබිඹු වනවා. මෙය අපගේ ක්රියාවලීන්හි කාර්යක්ෂම බව තහවුරු කරන අතරම, සෑම දෙයක්ම නිවැරදි ආකාරයෙන් සිදුකිරීමට අප කැප වී සිටින බව පැහැදිලිව තහවුරු කරන ජයග්රහණයක්. සමාගමක් ලෙස, විධිමත් හා දූරදර්ශී ලෙස සංකීර්ණ ව්යාපෘති කළමනාකරණය කිරීමට අපට හැකියාව තිබෙනවා. මෙය ව්යාපාරික මෙහෙයුම් පුළුල් කිරීමේදී සහ ගනුදෙනුකරුවන් හා ව්යාපාරික හවුල්කරුවන් සමඟ පවතින සම්බන්ධතාවන් තවදුරටත් ශක්තිමත් කරගැනීමේදී අත්යවශ්ය සාධකයක්.” Prime Constructions සමාගමේ සාමාන්යාධිකාරී ඉංජිනේරු සුජිත් රූපසිංහ මහතා පැවසීය.
Prime Constructions සමාගමේ මෑතකාලීන ව්යාපෘති අතරට 43 by the Sea Marine drive, The Palace, The Season, Colombo Border ව්යාපෘතියේ Cosmos සහ Amaa කුලුනු, Shine On සහ Skye Blossome වැනි සුවිශේෂී ව්යාපෘති රැසක් ඇතුළත් වී ඇත. මේ සියල්ල විවිධාකාර අවශ්යතාවන්ට ගැළපෙන, උසස්ම ප්රමිතියෙන් යුත් සංවර්ධන ව්යාපෘති රට පුරාම ක්රියාත්මක කිරීම සඳහා සමගාම සතු හැකියාවට සාක්ෂි දරයි. අතීත උරුමය සහ නවීන ගෘහ නිර්මාණ ශිල්පය මනාව එක්තැන් කරමින්, වත්මන් ජීවන රටාවන්ට ගැළපෙන ආකාරයට, මහා පරිමාණ නාගරික සංවර්ධන ව්යාපෘති සාර්ථක ලෙස ක්රියාත්මක කිරීමට සමාගමට හැකියාව ඇති බව මෙම ව්යාපෘති මඟින් තහවුරු වේ.
ගෝලීය වශයෙන් පිළිගත් විශිෂ්ටතම ක්රමවේදයන්ට අනුගත වෙමින්, දූරදර්ශී සංවර්ධන දැක්මක් අතිශය විධිමත් ලෙස ක්රියාවට නංවමින්, සිය පාරිභෝගිකයන්ට ජාත්යන්තර තලයේ නිවාස පිරිනමන අතරම නවීන දේපළ වෙළඳාම් ක්ෂේත්රයේ ප්රමුඛයා ලෙස තමන් සතු පිළිගැනීම තවදුරටත් ශක්තිමත් කරගැනීම Prime සමූහයේ අරමුණ වී ඇත.
