இலங்கையின் முன்னணி மற்றும் புத்தாக்கமான தனியார் வாடிக்கையாளர் வங்கிகளில் ஒன்றான HNB PLC, தனது கடன் அட்டை வாடிக்கையாளர்களுக்கான சமீபத்திய அதிர்ஷ்ட சீட்டிழுப்பு போட்டியின் வெற்றியாளரை அறிவித்துள்ளது. இந்த திட்டத்தின் மூலம், தினசரி செலவுகளுக்காக கடன் அட்டையைப் பயன்படுத்திய நம்பிக்கையான வாடிக்கையாளர்களுக்கு விடுமுறை பரிசாக இது வழங்கப்படுகிறது. இதன் அதிர்ஷ்ட வெற்றியாளராக HNBஇன் மதிப்புமிக்க வாடிக்கையாளர் Dr. Anoja Rajapakse தேர்ந்தெடுக்கப்பட்டுள்ளார். அவருக்கு இருவருக்கான சிங்கப்பூர் பயணம் முழுவதும் இலவசமாக வழங்கப்படுகிறது. மேலும், பயணச் செலவுகளுக்காக அவரது HNB கடன் அட்டையில் ஒரு லட்சம் ரூபாய் மேலதிகமாக வழங்கப்பட்டுள்ளது.
பெப்ரவரி மற்றும் மார்ச் 2025 இல் நடைபெற்ற இத்திட்டம், HNB கடன் அட்டைதாரர்களை இந்த மேம்பாட்டு திட்டக் காலத்தில் குறைந்தபட்சம் 100,000 ரூபா செலவழிக்க ஊக்குவித்தது. செலவழித்த ஒவ்வொரு 10,000 ரூபாவுக்கும், அட்டைதாரர்களுக்குப் பிரதான குலுக்கலில் ஒரு மேலதிக வாய்ப்பு வழங்கப்பட்டது, இது அவர்களின் வெற்றி வாய்ப்புகளை அதிகரித்தது. வெற்றியாளர் இரண்டு பேருக்கான இருவழி விமான டிக்கெட்டுகள், காலை உணவோடு 5 நட்சத்திர ஹோட்டலில் மூன்று இரவுகள் தங்குதல், Express Passesகளுடன் Universal Studios அனுபவம் மற்றும் ஒரு நகரச் சுற்றுப்பயணம் உள்ளிட்ட ஒரு பிரத்யேக பயணப் பொதியைப் பெறுவார்.
“நான் பல வருடங்களாக எனது HNB கடன் அட்டையை உள்நாட்டு மற்றும் வெளிநாட்டு செலவுகளுக்குப் பயன்படுத்தி வருகிறேன், இது எப்போதும் வசதியாகவே இருந்துள்ளது, குறிப்பாக App எனது செலவுகளை எளிதாக நிர்வகிக்க உதவுகிறது. ஆனால் இது இவ்வளவு அற்புதமான ஒன்றிற்கு வழிவகுக்கும் என்று நான் ஒருபோதும் எதிர்பார்க்கவில்லை! எனது நம்பிக்கைக்கு வெகுமதி அளித்ததோடு மட்டுமல்லாமல், நான் ஒரு மதிப்புமிக்க வாடிக்கையாளராக உணர வைத்த HNBக்கு நான் மிகவும் நன்றியுள்ளவளாக இருக்கிறேன்” என்று டொக்டர் அனோஜா ராஜபக்ஷ தனது வெற்றிக்கு பாராட்டு தெரிவிக்கும் போது கூறினார்.
“இதுபோன்ற திட்டங்கள் மூலம் எங்கள் அட்டைதாரர்களுக்கு வெகுமதி அளிப்பதில் நாங்கள் மகிழ்ச்சியடைகிறோம், இது அற்புதமான பயண வாய்ப்புகளை வழங்குவதோடு மட்டுமல்லாமல், HNB அட்டைகளின் அன்றாடப் பயன்பாட்டையும் மேம்படுத்துகிறது” என்று HNB இன் துணைத் தலைவர் – அட்டைகள், கௌதமி நிரஞ்சன் தெரிவித்தார். “இந்த முயற்சி எங்கள் நம்பிக்கையான வாடிக்கையாளர்களைக் கொண்டாடுவதாகும், மேலும் இது இத்தகைய உற்சாகத்தையும் மகிழ்ச்சியையும் உருவாக்குவதைக் கண்டு நாங்கள் மகிழ்ச்சியடைகிறோம்.” என தெரிவித்தார்.
இந்தக் குலுக்கல் சீட்டிழுப்பு, வாழ்க்கை முறையை மேம்படுத்தும் விளம்பரங்கள் மூலம் வாடிக்கையாளர் நம்பிக்கைகக்கு வெகுமதி அளிப்பதற்கான HNB இன் தொடர்ச்சியான உறுதிப்பாட்டின் ஒரு பகுதியாகும். அசாதாரண மதிப்பு, பயன்பாட்டின் எளிமை மற்றும் உலகத் தரம் வாய்ந்த சேவையை வழங்குவதில் கவனம் செலுத்தி, HNB கடன் அட்டைகள் சந்தையில் புத்தாக்கம் மற்றும் வசதிக்கான தரத்தை தொடர்ந்து நிலைநிறுத்துகின்றன.
