ශ්රී ලංකාවේ විශාලතම සහ වඩාත් නවෝත්පාදන පුද්ගලික අංශයේ බැංකුවක් වන හැටන් නැෂනල් බැංකුව, වරලත් මූල්ය විශ්ලේෂකයින් (CFA) වීමට ඉගෙන ගන්නා සිසු දරු දැරියන්ට ඔවුන්ගේ අධ්යයන කටයුතුවලට සහාය වීම සඳහා අධ්යාපන ණයක් හඳුන්වා දී ඇත. මෙම පියවර අනාගත මූල්ය වෘත්තිකයන් සවිබල ගැන්වීම සහ ශ්රී ලංකාවේ වෘත්තීය අධ්යාපනය ප්රවර්ධනය කිරීම සඳහා HNB හි කැපවීම මැනවින් පෙන්නුම් කරයි.
මූල්ය ක්ෂේත්රය වර්ධනය වන විට CFA සහතිකය සඳහා ඇති ඉල්ලුම වැඩි වී ඇති අතර වෘත්තිකයන් තම වෘත්තීය ජීවිතය ඉදිරියට ගෙන යාම සඳහා ගෝලීය වශයෙන් පිළිගත් සුදුසුකම් සොයමින් සිටියි. කෙසේ වෙතත්, වරලත් මූල්ය විශ්ලේෂක විභාගවල පිරිවැය බොහෝ සිසු දරු දැරියන්ට අභියෝගයකි. HNB විසින් හඳුන්වා දී ඇති අධ්යාපන ණය මෙම මූල්ය බර ලිහිල් කිරීම අරමුණු කර ගෙන ඇති අතර ඒ හරහා සිසුන්ට විශ්වාසයෙන් යුතුව තම සහතිකය ලබා ගැනීමට හැකිය.
මේ පිළිබඳව අදහස් දක්වමින් HNB ව්යාපාර සංවර්ධන ප්රධානී සමුද්දිකා මෙන්ඩිස් මහත්මිය පැවසුවේ “ශ්රී ලංකාවේ මූල්ය ක්ෂේත්රය හැඩගැස්වීමේදී වෘත්තීය අධ්යාපනයේ වැදගත්කම අපි තේරුම් ගෙන තිබෙනවා. වරලත් මූල්ය විශ්ලේෂකයින් වීමට ඉගෙන ගන්නා සිසු දරු දැරියන් සඳහා වන අපගේ අධ්යාපන ණය මුදල මූල්ය අන්තර්ගතභාවය සඳහා අපගේ කැපවීම පෙන්නුම් කරන අතර, දක්ෂ සිසු දරු දැරියන්ට මුදල් බාධාවක් කර නොගෙන ජාත්යන්තර වශයෙන් පිළිගත් සුදුසුකම් ලබා ගත හැකි බව සහතික කරනවා.” යනුවෙනි.
ශ්රී ලංකා වරලත් මූල්ය විශ්ලේෂකයින්ගේ සංගමය (CFA Society Sri Lanka) සමඟ එක්ව කටයුතු කිරීමෙන් HNB සහ CFA Society Sri Lanka සමඟ ඇති මෙම හවුල්කාරීත්වය තවත් ශක්තිමත් වී තිබෙනවා. CFA Society Sri Lanka යනු මූල්ය ක්ෂේත්රයේ නියැලී සිටින පුද්ගලයින්ට ඔවුන්ගේ මූල්ය දැනුම වැඩිදියුණු කර ඔවුන්ගේ වෘත්තීය දියුණුවට උපකාර කරන සංවිධානයකි. මෙම ආයතන දෙකෙහිම ඒකායන අරමුණ වන්නේ උසස් තත්ත්වයේ මූල්ය අධ්යාපනයකට ප්රවේශය පුළුල් කිරීම සහ තරඟකාරී ගෝලීය වෙළඳපොළක සාර්ථක වීමට අවශ්ය කුසලතාවලින් වෘත්තිකයින් සන්නද්ධ කිරීමයි.
“CFA සහතිකය යනු ලොව පුරා මූල්ය ක්ෂේත්රයේ වඩාත්ම ගෞරවනීය සහ ඉතා වටිනා සුදුසුකම් වලින් එකක්. ශ්රී ලංකාවේ සිසු දරු දැරියන්ට මෙම සහතිකය ලබා ගැනීම පහසු කිරීම රටේ ආර්ථික සංවර්ධනයට සහ එහි මූල්ය වෘත්තිකයින්ගේ වෘත්තීය වර්ධනයට ඉතා වැදගත් යැයි අප විශ්වාස කරනවා. වරලත් මූල්ය විශ්ලේෂකයින් වීමට ඉගෙන ගන්නා සිසු දරු දැරියන්ට ඔවුන්ගේ ඉලක්ක සපුරා ගැනීමට සහ රටේ මූල්ය ක්ෂේත්රයට දායක වීමට අවශ්ය මූල්ය සහාය ලැබෙන බව සහතික කිරීම සඳහා HNB සමඟ අපගේ හවුල්කාරීත්වය වැදගත් පියවරක් ලෙස පෙන්වා දිය හැකියි.” යනුවෙන් CFA හි සභාපතිනි රශ්මි පීරිස් පරණවිතාන මහත්මිය පැවසුවාය.
අධ්යාපනික කටයුතු සඳහා මූල්යමය වශයෙන් සහාය වීම සහ සිසුන්ට ඔවුන්ගේ අධ්යයන හා වෘත්තීය ඉලක්ක සපුරා ගැනීමට උපකාර කිරීම සඳහා නව්ය විසඳුම් ලබා දීම සම්බන්ධයෙන් HNB සතුව දිගු ඉතිහාසයක් පවතී. වරලත් මූල්ය විශ්ලේෂකයින් වීමට ඉගෙන ගන්නා සිසු දරු දැරියන්ට ඔවුන්ගේ අධ්යයන කටයුතුවලට සහාය වීම සඳහා මෙම අධ්යාපන ණය හඳුන්වා දීම ශ්රී ලංකාව පුරා මූල්ය වෘත්තිකයින් සඳහා කුසලතා සංවර්ධනය කිරීම සහ වෘත්තීය දියුණුව සඳහා අවස්ථා නිර්මාණය කිරීම සඳහා බැංකුවේ කැපවීම අවධාරණය කරයි.
