2025 අගෝස්තු 2 වනදා කොළඹදී අති උත්කර්ෂවත් අයුරින් පැවැත්වෙන City of Dreams Sri Lanka හි සමාරම්භක උත්සවයේ විශේෂ ආරාධිත අමුත්තා ලෙස සුපිරි ඉන්දීය නළු රිතික් රෝෂන් සහභාගී වීමට නියමිතය. Krrish, War සහ Super 30 වැනි චිත්‍රපටවල සාර්ථක රංගනයක යෙදුණු ඔහුගේ පැමිණීම දකුණු ආසියාවේ නිර්මාණාත්මක සහ සංස්කෘතික කුසලතා ප්‍රවර්ධනය කරන මෙම සුවිශේෂී උත්සවය තවත් වරණවත් කරනු නිසැකය.
තවද මෙය සුඛෝපභෝගී සහ විනෝදාස්වාදයේ නව පරිච්ඡේදයක ආරම්භය සනිටුහන් කරමින් නවීන පන්නයේ හෝටල් කාමර, විවිධ රසවත් හා ප්‍රණීත ආහාරපාන වර්ග, සුපිරි සාප්පු සවාරි හා විනෝදාස්වාද අත්දැකීම් ආදී සුවිශේෂී අත්දැකීම් ලබා දෙනු ඇත. අගෝස්තු 2 වන දින සිට ආරම්භ වීමට නියමිත උත්සව මාලාව මගින් කොළඹ නගරය වඩාත් නිර්මාණාත්මක සහ කලාපීය සහයෝගීතාවය සහිත නව මානයකට ගෙන යයි.
