E. B. Creasy & Co., PLC – BIC & DENTA தொழிற்சாலை, 2024 தேசிய பசுமை உற்பத்தித்திறன் விருதுகள் வழங்கும் நிகழ்வில், தங்க விருதை சுவீகரித்திருந்தது. இந்த விருதுகள் வழங்கும் நிகழ்வு அண்மையில் கொழும்பு தாஜ் சமுத்ரா ஹோட்டலில் நடைபெற்றது.
Sri Lanka Association for the Advancement of Quality & Productivity (SLAAQP) இனால் இந்த விருது வழங்கப்பட்டிருந்ததுடன், நிலைபேறாண்மை, சூழலுக்கு நட்பான உற்பத்தி செயன்முறைகள் மற்றும் தொடர்ச்சியான செயற்பாட்டு மேம்படுத்தல்கள் போன்றவற்றில் E. B. Creasy & Co., PLC இன் உறுதியான அர்ப்பணிப்பை கௌரவிக்கும் வகையில் அமைந்துள்ளது. தேசிய அபிவிருத்திக்கு அர்த்தமுள்ள பங்களிப்புகளை வழங்கும் நிறுவனங்களை கௌரவிப்பதாக இந்த விருது அமைந்திருப்பதுடன், இயற்கை வளங்களை பாதுகாப்பதில் E. B. Creasy & Co., PLC காண்பிக்கும் முன்மாதிரியான முயற்சிகளையும், உற்பத்திச் சிறப்பில் கொண்டுள்ள உயர்ந்த நியமங்களையும் வெளிப்படுத்தியுள்ளது.
