Engineered Knit තාක්ෂණයේ සුවිෂේශීභාවය යළි යළිත් නිර්වචනය කරන Athleisure ඇඟලූම් එකතුව
MAS Holdings යටතේ විවිධාංගීකරණය වූ flat-knit ඇඟලූම් නිෂ්පාදන පහසුකම් ආයතනය වන MAS Matrix, එහි නවතම නිෂ්පාදන වේදිකාව වන MVTM දියත් කරන බව නිවේදනය කළේය. Flat knit නිෂ්පාදනයන්හි ඉදිරි පියවරක් ලෙස, මෙම මුලපිරීම යටතේ MAS Matrix විසින් MVTM පරාසයේ තාක්ෂණය සහ නිෂ්පාදන හැකියාව වඩාත් පුළුල් කෙරෙනු ඇත. මලල ක‍්‍රීඩා ඇඟලූම්වල විප්ලවීය වෙනසක් ඇති කරමින් නවීන සහ වේගවත් ජීවන රටාව සඳහා නිර්මාණය කරන ලද මෙම එකතුව ඉහළ ක‍්‍රියාකාරී සහ බහුකාර්ය විලාසිතා රැසක් ඉදිරිපත් කරයි.
MVTM යනු චලනය (movement) සහ ගම්‍යතාවය (momentum) ඒකාබද්ධ කිරීමයි. මෙම බහුකාර්ය ඇඟලූම් (versatile pieces) නිර්මාණය කර ඇත්තේ දිනක් හෝ යම් කාල පරාසයක් තුළ පැමිණිය හැකි විවිධ තත්වයන්ට අනුවර්තනය වීමට හැකිවන පරිදිය. මෙම නිෂ්පාදන පෙළ නිර්මාණය කර ඇත්තේ සුවපහසුව සහ ක‍්‍රියාකාරිත්වය කෙරෙහි අවධානය යොමු කරමින් වන අතර චලනය වීමේ නිදහස සලසයි. එමෙන්ම MVTM නිෂ්පාදන නවීන ජීවන අවශ්‍යතා සපුරාලීම අරමුණු කරගෙන පාරිභෝගිකයාට ඉදිරිපත් කර ඇත.
Matrix හි හැකියාව පිළිබඳව අදහස් දක්වමින් MAS Matrix හි ප‍්‍රධාන විධායක නිලධාරී පාලිත ලියනගේ මහතා පැවසුවේ, ”Matrix හි අපගේ ගමන අඛණ්ඩව ඉදිරියට විකාශනය වෙනවා. අපි පාවහන් සඳහා knitted පාවහන් ආවරණය ^knitted uppers& සංවර්ධනය කරන අතර knit ඇඟලූම් මෙන්ම තවත් දියුණු තාක්ෂණික ක‍්‍රමවේද දක්වා ඉදිරියට ගොස් තිබෙනවා. අද අපි MVTM දියත් කිරීම හරහා අපගේ සම්පූර්ණ හැකියාවන් බෙදාහදා ගැනීමට හැකිවීම පිළිබඳව සතුටු වෙනවා. අපගේ අරමුණ වන්නේ ක‍්‍රියාකාරී සහ තිරසාර ලෙස ආකර්ෂණීය මෝස්තර සමඟින් නව්‍ය ඇඟලූම් වෙළඳපල වෙත ඉදිරිපත් කිරීමයි.” යනුවෙනි.
MAS Holdings හි comprehensive sustainability Strategy, MAS Plan for Change, MAS Matrix තම අනාගත ගනුදෙනුකරුවන්ට වඩාත් තිරසාර විකල්ප පිරිනැමීමට කැපවී ඇත. Engineered knit වල කැපී පෙනෙන ලක්ෂණයක් වන්නේ හැඩයට ගෙතීමට ඇති හැකියාව ^knit to shape& වන අතර සම්ප‍්‍රදායික කැපුම් සහ මැහුම් වලට සාපේක්ෂව පූර්ව පාරිභෝගික අපද්‍රව්‍ය ^pre-consumer waste& 18-22% කින් සැලකිය යුතු ලෙස අඩු කරයි. මීට අමතරව, නිෂ්පාදන කි‍්‍රයාවලිය සඳහා භාවිතා කරන අමුද්‍රව්‍ය වලින් 77% ක්ම තිරසාර, පරිසර හිතකාමී සහ පුනර්ජනනීය මූලාශ‍්‍ර වලින් සපයාගන්නා අතර ප‍්‍රතිචක‍්‍රීයකරණය කරන ලද පොලියෙස්ටර් කාබනික, වඩා හොඳ කපු ^Better Cotton& මුලපිරීම මගින් සහතික කරන ලද කපු සහ මොඩල් (modal) ටෙන්සල් ^Tencel& සහ හෙම්ප් (hemp) වැනි bio-based රෙදිපිළි ඒ අතර ප‍්‍රධාන වෙයි.
MVTM එකතුවෙන් 77% ක් ප‍්‍රතිචක‍්‍රීයකරණය කරන ලද පශ්චාත්-පාරිභෝගික අපද්‍රව්‍ය හෝ ස්වාභාවික සහ ප‍්‍රතිජනන තන්තු වලින් සමන්විත වන අතර ඒ හරහා MVTM තිරසාර අනාගතයක් සඳහා වූ කැපවීම විදහා දක්වයි.
MAS Holdings විසින් සිදු කරන ලද විශාලතම ආයෝජනය ලෙස MAS Matrix හැදින්විය හැකි අතර ඒ හරහා Nike, Decathlon, Gymshark, Lacoste, Victoria’s Secret සහ Stoko වැනි ගෝලීය වෙළඳනාම සඳහා මලල ක‍්‍රීඩා ඇඟලූම්, කාර්ය සාධන ඇඟලූම්, අත්‍යාවශ්‍ය සහ ගෙතුම් කොටස් ඇතුළත් නිෂ්පාදන කාණ්ඩ 1000ක් සපයයි. MVTM දියත් කිරීම MAS Matrix හි නවෝත්පාදනය, තිරසාරභාවය සහ පාරිභෝගිකයින්ට ඔවුන්ගේ වෙනස් වන ජීවන රටාවට බාධාවකින් තොරව අනුගත වීමට ඇඟලූම් සැපයීම වෙනුවෙන් වූ නොසැලෙන කැපවීම පිළිබඳ සාක්ෂියකි. එහි අද්විතීය ශෛලිය, ක‍්‍රියාකාරීත්වය සහ පාරිසරික සංවේදීතාවය සමඟින් MVTM මලල ක‍්‍රීඩා ලෝකයේ පෙරළියක් ඇති කිරීමට සූදානමින් සිටී.
MVTM සහ MAS Matrix පිළිබඳ වැඩි විස්තර සඳහා කරුණාකර www.mvtm.co වෙත පිවිසෙන්න.
දකුණු ආසියාවේ විශාලතම ඇඟලූම් තාක්ෂණ සමාගම වන MAS Holdings ඇඟලූම් සහ රෙදිපිළි නිෂ්පාදනයේ වඩාත්ම පිළිගත් නිර්මාණ-බෙදාහරින්නා වේ. මෙහි 118,000 කට අධික පිරිසක් සේවය කරයි. අද වන විට MAS රටවල් 17 ක් පුරා විලාසිතා සඳහා ප‍්‍රමුඛත්වයක් ගන්නා ස්ථානවල පිහිටුවා ඇති නිෂ්පාදන කර්මාන්තශාලා හරහා තම නිෂ්පාදන සිදු කරනු ලබයි. ඇඟලූම් තාක්ෂණය, FemTech, start-ups, සැපයුම් සංවිධානය සහ ලොව පුරා විහිදුණු ඇඟලූම් උද්‍යාන ආදිය තුළින් MAS සන්නාමය වේගවත් ලෙස පුළුල් වී ඇත. වසර 35ක් පුරා, MAS එහි සදාචාරාත්මක සහ තිරසාර සේවා පරිසරය මෙන්ම එහි ශිල්පීයත්වය සහ නිෂ්පාදන විශිෂ්ටත්වය වෙනුවෙන් ජාත්‍යන්තර ගෞරවයට පාත‍්‍ර වී ඇත. අද වන විට MAS නිෂ්පාදන, ජීවිත සහ මිහිතලය යන අංශ තුන යටතේ තිරසාර වෙනසක් ඇති කිරීම උදෙසා කැපවී සිටියි. මෙම මුලපිරීම් හරහා MAS හි අරමුණ වන්නේ සියලූම සේවා නියුක්තිකයින්, සිහිනයන් බලගන්වමින් ජීවන වියමන සාරවත් කරන වෙනස්කරුවන් බවට පත්කිරීමට දිරිගැන්වීමයි.
