2025 සිව්වන කාර්තුව සඳහා වන ප්රජා මාර්ගෝපදේශ බලගැන්වීමේ වාර්තාව TikTok විසින් පසුගියදා නිකුත් කරන ලදී. මෙම වාර්තාව තුලින් ඔසනඔදනහි නීති රීති උල්ලංඝනය කරන අන්තර්ගතයන් හඳුනාගෙන ඉවත් කිරීම මඟින් පරිශීලකයින්ට ආරක්ෂිත අවකාශයක් ලබා දීමට ගනු ලබන පියවර පිළිබඳ විස්තර කරනු ලබයි. ඒ හරහා ලොව පුරා සිටින සියලු පරිශීලකයින්ට යහපත් සහ ආරක්ෂිත අත්දැකීමක් ලබා දීමට TikTok බලාපොරොත්තු වේ.
2025 වසරේ මෙම කාලසීමාව තුළ TikTok වීඩියෝ මිලියන 175ක් පමණ ඉවත් කර ඇති අතර, එය සමස්ත වීඩියෝ ප්රමාණයෙන් 0.5%ක් වැනි කුඩා ප්රතිශතයකි. මෙයින් 99.1%ක්ම කිසිවෙකු වාර්තා කිරීමට පෙර ස්වයංක්රීය තාක්ෂණය හරහා හඳුනාගෙන ඇති අතර, ඉන් වැඩි ප්රමාණයක් පැය 24ක් ඇතුළත ඉවත් කර ඇත. මීට අමතරව, ව්යාජ ගිණුම් මිලියන 148ක් සහ වයස අවුරුදු 13ට අඩු අයගේ යැයි සැක කෙරෙන ගිණුම් මිලියන 24ක් පමණ ඉවත් කිරීමටද ඔවුන් පියවර ගෙන ඇත.
TikTok හි AI පද්ධති දියුණු වීම නිසා පැරණි වැරදි අන්තර්ගතයන් හඳුනා ගැනීම පහසු වී ඇත. දැන් වීඩියෝවක් කිසිවෙකු නැරඹීමට පෙරම ඉවත් කිරීමේ අවශ්යතාවය අඩු වී ඇත්තේ පද්ධතියේ වේගවත් බව නිසාය. අදහස් ලබාදීම සම්බන්ධයෙන් ඔවුන් අනුගමනය කරන්නේ ඒවා කෙලින්ම ඉවත් කරනවා වෙනුවට යටපත් කිරීමේ හෝ සැඟවීමේ ක්රමයකි. එමෙන්ම, වේදිකාවේ විශ්වසනීයත්වය රැකීම සඳහා ව්යාජ Like සහ Followers ඉවත් කිරීමේ කටයුතු ද වේගවත් කර ඇත.
මෙම වාර්තාවට අනුව ඉවත් කරන ලද වීඩියෝවලින් වැඩි ප්රමාණයක්, එනම් 21.2%ක්ම, සංවේදී හෝ වැඩිහිටි තේමා සහිත අන්තර්ගතයන් වේ. තවත් 9.1%ක් ආරක්ෂාව සහ ආචාර ධර්ම පිළිබඳ නීති උල්ලංඝනය කිරීම නිසාත්, 1.2%ක් පෞද්ගලිකත්වය සහ ආරක්ෂාව පිළිබඳ ගැටලු නිසාත් ඉවත් කර ඇත. මීට අමතරව, 1.6%ක් වැරදි තොරතුරු නිසාත්, 1.8%ක් AI මගින් සකස් කළ අහිතකර වීඩියෝ නිසාත් ඉවත් කර ඇති බව එහි සඳහන් වේ.
TikTok තම ක්රියාකාරීත්වය පිළිබඳව විනිවිදභාවයකින් යුතුව පරිශීලකයින් දැනුවත් කිරීම සඳහා මේ ආකාරයෙන් විටින් විට ආරක්ෂණ වාර්තා නිකුත් කරනු ලබයි. 2025 සිව්වන කාර්තුවට අදාළ මෙම වාර්තාව සහ TikTok හි නීති රීති මෙන්ම මෙවලම් පිළිබඳ වැඩිදුර තොරතුරු දැනගැනීමට Transparency Centre වෙබ් අඩවියට පිවිසිය හැකිය.
