හේලීස් වැවිලි සමාගමට අයත් තලවකැලේ වතු සමාගම සිය යහපාලනය වෙනුවෙන් ජාත්‍යන්තරව ඇගයීමට ලක් වෙයි

Share

Share

Share

Share

හේලීස් වැවිලි සමාගමට අයත් තලවකැලේ වතු සමාගම (TTE PLC) මෑත මාස කිහිපය තුළ ප‍්‍රධාන ගෝලීය සම්මාන දෙකක් දිනාගත් අතර එහි වටිනාකම් නිර්මාණය සහ ESG කාර්යසාධනය පාර්ශවකරුවන්ට වාර්තා කිරීමේ ගෝලීය ප‍්‍රමුඛයා ලෙස සිය කීර්ති නාමය යළි යළිත් තහවුරු කළේය.
මෙම කලාපීය වැවිලි සමාගම (RPC) 2022 Asia Community Business Awards හිදී සිය සේවකයන් සවිබල ගැන්වීම සහ ඔවුන්ට සහාය දීම මගින් වෘත්තීයමය මෙන්ම පෞද්ගලික ජීවිතය තුළ ඔවුන්ව ශක්තිමත් කිරීම සඳහා උපායමාර්ගික සහ ක‍්‍රියාශීලී ප‍්‍රවේශයන් අනුගමනය කිරීමේ ආසියාවේ ප‍්‍රමුඛයන් අතර පිළිගැනීමට ලක්විය. 2022 Hallbars වාර්ෂික වාර්තා සම්මාන උළෙලෙහිදී සමාගමේ 2022 වාර්ෂික වාර්තාව විනිවිද භාවයෙන් යුක්ත වීම සහ ඵලදායීතාවය හෙළිදරව් කිරීම වෙනුවෙන් ඉහළ ගෞරව සම්මානයට පාත‍්‍ර වූ අතර ලෝක තිරසාර සම්මාන උළෙලේදී ”අරමුණ සමඟ ලාභය” යන සම්මාන කාණ්ඩයේ අවසාන වටයේ තරඟකරුවෙකු ලෙස ඇගයීමට ලක්විය.
දේශීය වශයෙන් TTE විනිවිදභාවය පවත්වාගෙන යාමේ අසමසම වාර්තාව වෙනුවෙන් 2022 ඒකාබද්ධ වාර්තාකරණ සම්මාන උළෙලේ CMA විශිෂ්ටතා සම්මාන යටතේ ”විශිෂ්ට ඒකාබද්ධ වාර්තා පහ – තේ කර්මාන්ත කාණ්ඩය” පිරිනැමූ ශ‍්‍රී ලංකාවේ පළමු වැවිලි සමාගම බවට පත් විය. RPC —Best Disclosure on Materiality˜ සහ ”හොඳම ඒකාබද්ධ වාර්තාව – වැවිලි අංශය” සඳහා විශේෂ සම්මානයක් සමඟින් තවදුරටත් ඇගයීමට ලක් විය. ඉතා මෑතකදී මෙරට ප‍්‍රථම වරට පැවති CA Sri Lanka TAGS Awards 2022 හිදී, TTE විසින් වැවිලි අංශය වෙනුවෙන් වූ රිදී සම්මානය දිනා ගැනීම ද විශේෂත්වයකි.
ජොහැන්නස්බර්ග් විශ්ව විද්‍යාලයේ IR සහ ඒකාබද්ධ චින්තනය පිළිබඳ මහාචාර්ය සහ ඒකාබද්ධ වාර්තාකරණ සම්මාන උළෙලේ CMA විශිෂ්ටත්වයේ සාමාජික ග‍්‍රැහැම් ටෙරී පැවසුවේ, ”පසුගිය වසර කිහිපය තුළ ශ‍්‍රී ලංකාවේ පුරවැසියන් මුහුණ දෙන අභියෝග පිළිබඳව අපි දන්නවා. Covid වසංගතය, ආර්ථික හා දේශපාලන අභියෝග සියලූම ක්ෂේත‍්‍ර වෙත අහිතකර ලෙස බලපෑම් කර තිබෙනවා. සමහර සංවිධාන ප‍්‍රධාන SDGS හි මූලිකාංග ඔවුන්ගේ උපාය මාර්ග තුළට ගොඩනඟන ආකාරය දැකීම සතුටට කරුණක්. මන්ද මෙම ගැටළු වර්තමානයේදී සහ අනාගතයේදී වටිනාකම් නිර්මාණය කිරීමට සංවිධානයට ඇති හැකියාවට බලපාන බව ඔවුන් හඳුනාගෙන තිබෙනවා.” යනුවෙනි.

හේලීස් වැවිලි සමාගමේ කළමනාකාර අධ්‍යක්ෂ ආචාර්ය රොෂාන් රාජදුරෙයි මහතා වැඩිදුරටත් පැවසුවේ, ”හේලීස් සමූහයේ සාමාජිකයෙකු ලෙස තිරසාරභාවය අපගේ සමස්ත පද්ධතිය තුළ ප‍්‍රධානතම අංගයක් ලෙස කි‍්‍රයාත්මක වෙනවා. තලවකැලේ වතු සමාගම විසින් දිනාගත් මෙම කීර්තිමත් ගෝලීය සහ දේශීය සම්මානයන් අපගේ දැක්මේ සාක්ෂියක්.” යනුවෙනි.
”අපගේ ප‍්‍රමුඛතම ව්‍යාපෘතිය වන ”සෑම වතු කම්කරුවෙකුටම නිවසක්” එහි 15 වන වසර පසුකර ඇති අතර වතු මානව සංවර්ධන භාරය සමඟ සහයෝගීතාවයෙන් නිවාස ව්‍යාපෘතිය සඳහා ආයෝජනය කිරීම අඛණ්ඩව සිදු කරනවා. ඒ වෙනුවෙන් පසුගිය වසරේ මිලියන 100 ක් ආයෝජනය කර තිබෙනවා. වතු සේවකයින්ට සෑම වතුයායකම වතු කම්කරු සමූපකාර නිවාස සමිතිය හරහා තම නිවාස හිමි වෙනවා.” යැයි TTE PLC අධ්‍යක්ෂ/ප‍්‍රධාන විධායක නිලධාරී සේනක අලවත්තේගම මහතා පැවසීය.
පැය 24 පුරා ක‍්‍රියාත්මක ගිලන්රථ සේවාව, ශුන්‍ය රක්තහීනතා වැඩසටහන, ප‍්‍රසව හා ප‍්‍රසව ප‍්‍රතිකාර සහ ක්ෂය රෝගය, පෝලියෝ, හෙපටයිටිස් බී, ඉන්ෆ්ලූවෙන්සා බී, කම්මුල්ගාය, සරම්ප සහ රුබෙල්ලා වැළැක්වීම සඳහා පුළුල් ප‍්‍රතිශක්තිකරණ වැඩසටහනක් ඇතුළුව 200,000 කට වැඩි පිරිසකට ප‍්‍රතිලාභ සැලසෙන සෞඛ්‍ය හා පෝෂණ වැඩසටහන් සඳහා මිලියන 7ක් ආයෝජනය කර ඇත.
සියලූම සේවකයින්ට උපතේ සිට මරණය දක්වා සෞඛ්‍ය සේවා සලසා ඇති අතර මාතෘ සත්කාර වැඩසටහන වල සාර්ථකත්වය නිසා මළ දරු උපත් සිදු නොවන බව සහතික කරයි. මුල් ළමා විය සංවර්ධන නිලධාරීන් පෙර පාසල් පවත්වාගෙන යන අතර එමනිසා මවුවරුන්ට හිතේ සැනසීමෙන් සිය රැකියාවෙහි නිරත විය හැකිය. ළමා ආරක්ෂාව සහ මාතෘ සෞඛ්‍ය වැඩසටහන් මෙහෙයවනු ලබන්නේ 2019 වසරේදී අත්සන් කරන ලද Save the Children, Sri Lanka සමඟ ඇති රාජ්‍ය-පෞද්ගලික හවුල්කාරිත්ව ගිවිසුම හරහාය. 2022 දී වගවීම සහ ඉගෙනීම සඳහා වන ResponsibiliTEA මාර්ගගත වේදිකාව දියත් කරන ලද්දේ ඵලදායී හා කාර්යක්ෂම දත්ත කළමනාකරණය, අධීක්ෂණය සහ වතු ප‍්‍රජාවන් තුළ ළමා ආරක්ෂාව ඇගයීම සඳහා පහසුකම් සැලසීම වෙනුවෙන්ය.
ප‍්‍රජා ධාරිතාව ගොඩනැගීමේ වැඩසටහන් හරහා රුපියල්් මිලියන 33.7 ක් ආයෝජනය කරමින් නිවාස ණය, ක්ෂුද්‍ර මූල්‍ය හා ඉතුරුම් යෝජනා ක‍්‍රම, ගෘහ මූල්‍ය කළමනාකරණයේ සිට ගෙවතු වගාව දක්වා පුහුණු වැඩසටහන් ලබාදීම කෙරෙහි අවධානය යොමු කර ඇත.
TTEL PLC යනු ලොව ප‍්‍රථම වැවිලි සමාගම වන අතර විද්‍යාව පදනම් කරගත් ඉලක්ක මුලපිරීම ^SBTi- Science Based Targets Initiative& ඉලක්ක සපුරා ගැනීම සඳහා කැපවූ ශ‍්‍රී ලංකාවේ පළමු සංවිධානය වේ. ගෝලීය වශයෙන් පිළිගත් භාවිතයන් සහ ක‍්‍රියාවලීන්ට අනුකූලව අපගේ කාබන් පියසටහන අඩු කිරීමට අප දරණ උත්සාහය දැනටමත් 5% රේඛීය වාර්ෂික අඩුවීමක් සහ පසුගිය වසරේ කාබන් විමෝචනය 37% ක අඩුවීමක් සමඟ දැවැන්ත ප‍්‍රගතියක් පෙන්නුම් කරයි.
”SBTi Climate Ambition Accelerator වැඩසටහන යටතේ ප‍්‍රකාශයට පත්කල ප‍්‍රතිපත්ති අපගේ කි‍්‍රයාපටිපාටීන් තුළින් වඩාත් හොදින් සාක්ෂාත් වෙනවා. එම ප‍්‍රතිපත්ති තිරසාර තේ නිෂ්පාදනය සඳහා ගෝලීය නායකත්වය සැපයීමට උපකාරී වන අතර ලංකා තේ ප‍්‍රභවයන් වෙත ප‍්‍රධාන අපනයන වෙළඳපොලවල් ආකර්ශනය කර ගනිමින් අවදානම් තත්ව වලට ඔරොත්තු දීමේ හැකියාව ගොඩනඟා ගැනීමට උපකාරී වෙනවා.” යනුවෙන් අලවත්තේගම මහතා සඳහන් කළේය.

TMC Negombo successfully hosts personal...
Capital TRUST Properties Wins 5-Star...
Lankem Agro Launches Nationwide Tree...
New Media Solutions wins two...
Pedro Estateஇல் அமைச்சர் தொண்டமானின் அத்துமீறல்...
වටවල වැවිලි පීඑල්සී නව සභාපති...
TikTok යාවත්කාලීන කරන ලද ප්‍රජා...
ஆசிய சர்வதேச அகாடமியுடன் புரிந்துணர்வு ஒப்பந்தமொன்றை...
වටවල වැවිලි පීඑල්සී නව සභාපති...
TikTok යාවත්කාලීන කරන ලද ප්‍රජා...
ஆசிய சர்வதேச அகாடமியுடன் புரிந்துணர்வு ஒப்பந்தமொன்றை...
CIC Holdings 2024 මූල්‍ය වර්ෂය...