Animal SOS Sri Lanka என்பது ஒரு தன்னார்வ சேவை நிறுவனம் ஆகும், இது இலங்கையின் தெற்கு கரையோரத்தில் ஸ்தாபிக்கப்பட்டுள்ள ஐக்கிய இராச்சியத்தில் பதிவு செய்யப்பட்ட ஒரு சமூக சேவை நிறுவனமாகும். இது நாளாந்தம் பல்வேறு இன்னல்களுக்கு உள்ளாகும் விலங்குகளை மரணத்திலிருந்து மீட்டு, அவர்களுக்கு சிறந்த நாளைப் பெற்றுக் கொடுப்பதற்காகப் பாடுபடுகின்ற நிறுவனமாகும்.
திருமதி Kim Cooling அவர்களால் ஆரம்பிக்கப்பட்ட இந்த நிறுவனத்தின் மூலம் தெருவில் சுற்றித் திரியும் விலங்குகளுக்கு உண்மையான வாழ்க்கையைப் பெற்றுக் கொடுக்கும் பணியைச் செய்கிறது. எனவே, இலங்கையில் சுற்றித் திரியும் விலங்குகளின் நிலையை நேரில் கண்ட திருமதி cooling அவர்கள் தமது நிறுவனத்தை இலங்கையில் ஸ்தாபிக்க நடவடிக்கை எடுத்தார்.
காயமடைந்த, கைவிடப்பட்ட மற்றும் பல்வேறு விபத்துக்களுக்கு ஆளாகிய விலகுங்களைப் மீட்டு புனர்வாழ்வு அளிப்பதை முக்கிய பணியாகக் கொண்ட Animal SOS Sri Lanka மூலம் இதுவரை 500க்கும் மேற்பட்ட சிறப்பு விலங்குகள் உட்பட 2,600க்கும் மேற்பட்ட பூனைகள் மற்றும் நாய்களுக்கு உதவி வழங்கியுள்ளது.
விலங்குகளுக்கு தங்குமிடம் வழங்குவதை விட அவற்றின் காயங்கள் அல்லது நோய்களை குணப்படுத்துவதற்கான பாதுகாப்பான இடத்தை வழங்கும் Animal SOS Sri Lanka, தெருவில் அலையும் விலங்குகளின் எண்ணிக்கையைக் கட்டுப்படுத்தவும், வெறிநாய்க்கடி போன்ற நோய்களைக் குறைக்கவும், கருத்தடை திட்டங்களை செயல்படுத்தி வருகிறது. மேலும், விலங்குகளுக்கான அன்பு மற்றும் கருணை போன்ற கல்வி திட்டங்களை நடத்தும் இந்த அமைப்பு, இரக்கம் மற்றும் பொறுப்பான செல்லப்பிராணி பராமரிப்பு பற்றிய அறிவை பகிர்ந்து கொள்ள பாடசாலைகள் மற்றும் பல்வேறு சமூகங்களுடன் இணைந்து செயல்படுகிறது.
TikTok இன் திறன் மற்றும் படைப்பாற்றல் மூலம் பல்வேறு நிறுவனங்கள் தங்கள் தயாரிப்புகள் மற்றும் சேவைகளை மக்களிடம் கொண்டு செல்வதற்கான சிறந்த வழியாக மாறியுள்ளது. கவர்ச்சிகரமான வீடியோக்கள் மற்றும் புகைப்படங்களை வழங்குவதன் மூலம் பார்வையாளர்களுக்கு விரைவாகவும் எளிமையாகவும் செய்திகளை வழங்கும் TikTok, Animal SOS Sri Lanka இற்கும் விலங்குகளின் நலனுக்காக அவர்கள் செய்யும் பணிகள் குறித்து மக்களுக்கு விழிப்புணர்வு ஏற்படுத்த இந்த வாய்ப்பை வழங்கியுள்ளது.
இது குறித்து கருத்து தெரிவித்த திருமதி Kim Cooling, ‘நாங்கள் மீட்ட விலங்குகளின் தற்போதைய மாற்றத்தை காட்சிப்படுத்த, அவற்றின் தாங்கும் திறனை காட்ட மற்றும் அவசர நன்கொடைகள் அல்லது மருத்துவ பொருட்களுக்கான உதவிகளைப் பெற நாங்கள் TikTok ஐ பயன்படுத்துகிறோம்’ என்று கூறினார்.
இந்த தளத்தின் பயன்பாட்டின் மூலம் Animal SOS Sri Lanka தற்போது பரந்த பார்வையாளர்களை சென்றடைந்துள்ளது.
Animal SOS Sri Lanka-வில் அடைக்கலம் பெற்ற ஆயிரக்கணக்கான விலங்குகளில் ‘லக்கி’ என்ற நாயின் கதை மிகவும் சிறப்பானது. லக்கி இந்த இடத்திற்கு கொண்டு வரப்பட்டபோது, வாகன விபத்தில் சிக்கி நடக்க கூட முடியாத நிலையில் இருந்தது. லக்கியின் உயிருக்கே ஆபத்து இருந்த நிலையில், Animal SOS Sri Lanka அதற்கு வாழ்க்கையில் இரண்டாவது வாய்ப்பை வழங்கி உதவியது. காலப்போக்கில் அனைத்து காயங்களும் குணமடைந்து ஆரோக்கியமான நாயாக மாறிய லக்கி, இன்று இந்த அமைப்பின் தூதுவராக மாறி பலரிடையே பிரபலமான அடையாளமாக மாறியுள்ளது.
இவ்வாறான விலங்குகளை குணப்படுத்துவதோடு மட்டுமல்லாமல், கருத்தடை அறுவை சிகிச்சை மற்றும் வெறிநாய்க்கடி தடுப்பூசி வழங்குவதன் மூலம் தெருவில் அலையும் விலங்குகளின் எண்ணிக்கையை குறைப்பதற்கும், பொது சுகாதாரத்தை மேம்படுத்துவதற்கும் உதவும் Animal SOS Sri Lanka, இந்த அனைத்து செயல்பாடுகளுக்கும் சமூக ஆதரவை பெறவும் முயற்சி செய்கிறது.
குறிப்பாக இந்த அமைப்பு நிதி திரட்டுவதில் நன்கொடைகள் மீது அதிக கவனம் செலுத்துகிறது. TikTok தளத்தின் மூலம் சமூகத்திடமிருந்து தேவையான ஆதரவை கோரும் Animal SOS Sri Lanka தற்போது நிதி திரட்டுவதில் கடுமையான நெருக்கடியை எதிர்கொண்டுள்ளதாக திருமதி cooling கூறுகிறார்.
இங்கு அவர்கள் சமூகத்திடமிருந்து எதிர்பார்ப்பது நிதி உதவி மட்டுமல்ல. தங்களிடம் உள்ள ஒரு விலங்கிற்கு ஆதரவு அளித்தல், அவற்றுடன் நேரத்தை செலவிடுதல், பிறந்தநாள் அல்லது பிற கொண்டாட்டங்களின் போது நிறுவனத்துடன் இணைதல் போன்ற பல விடயங்களுக்கும் இந்த அமைப்பு பார்வையாளர்களை அழைக்கிறது. மேலும், தங்கள் அமைப்பு மற்றும் அதன் பணிகள் குறித்து மக்களுக்கு விழிப்புணர்வு ஏற்படுத்துவதன் மூலமும், அது குறித்து மற்றவர்களை ஊக்குவிப்பதன் மூலமும் இதற்கு மேலும் பங்களிக்க உங்களால் முடியும்.
ஒவ்வொரு விலங்கும் வாழ விரும்புகிறது. மகிழ்ச்சியாக இருக்க விரும்புகிறது. ஒவ்வொரு விலங்கிற்கும் ஒரு கதை உள்ளது, மேலும் ஒவ்வொரு கதைக்கும் சிறந்த முடிவு இருக்க வேண்டும் என்பதே Animal SOS Sri Lanka-வின் நம்பிக்கையாகும். இதற்காக விலங்குகளுக்கு அன்பும் கருணையும் காட்டும் இலங்கையர்களுடன் இணைந்து பெரும் பணியாற்றும் அவர்கள், தங்கள் பிரச்சார நிகழ்ச்சிகளுக்கு TikTok போன்ற சமூக ஊடகங்களைப் பயன்படுத்தி, மேலும் பாவப்பட்ட விலங்குகளின் நாளைய நாளுக்காக தங்களுடன் இணையுமாறு ஆயிரக்கணக்கான இலங்கையர்களை அழைக்கின்றனர்.
