විශාලතම පාරිභෝගික පදනමක් සහිත ශ්‍රී ලාංකේය ජීවිත රක්ෂණ සමාගම වන සොෆ්ට්ලොජික් ලයිෆ් පසුගියදා නිමාව දුටු 59 වැනි CA TAGS සම්මාන උළෙලේදී නැවත වරක් සිය විශිෂ්ටත්වය ප්‍රදර්ශනය කිරීමට සමත් වූයේ ශ්‍රී ලංකාවේ ප්‍රමුඛ පෙළේ ආයතනයන් අතරට එක් වෙමිනි. එහිදී අඛණ්ඩව සිව් වැනි වරටත් මෙරට ඉහළම ආයතන 3 අතරට එක් වුණු සොෆ්ට්ලොජික් ලයිෆ් ආයතනික වාර්තාකරණයේ සමස්ත විශිෂ්ටත්වයට හිමි ලෝකඩ සම්මානය දිනා ගැනීමටද සමත් විය. මෙහිදී සොෆ්ට්ලොජික් ලයිෆ් ගෞරවණීය සම්මාන රැසක් තමන් සතු කර ගැනීමට සමත් වූයේ මෙරට දැවැන්ත සමූහ ව්‍යාපාරයන් රැසක් අභිබවා යමිනි.
මෙම සම්මාන සොෆ්ට්ලොජික් ලයිෆ් හි ආයතනික විනිවිදභාවය, වගවීම, පාලනය සහ තිරසාරභාවය සඳහා සමාගමේ නොසැලෙන කැපවීම පෙන්නුම් කරන කදිම සාක්ෂියකි- තවද ශ්‍රී ලංකාවේ මූල්‍ය වාර්තාකරණ භාවිතයන් වැඩිදියුණු කිරීම සඳහා සමාගමේ අඛණ්ඩ උත්සාහයන් ද මෙමගින් පෙන්නුම් කරයි.
මෙහි තවත් විශේෂත්වයක් වන්නේ ආයතනික වාර්තාකරණයේ නවෝත්පාදනයන් සහ නව මිණුම් සලකුණු පිහිටුවීමට සමාගම දරන උත්සාහයන් මෙම සම්මාන මගින් පිළිබිඹු වීමයි. පසුගිය කාලය තුළ මූල්‍ය අවබෝධය වෙනුවෙන් වාර්ෂික වාර්තා විශ්ලේෂණයේ සුවිසල් පෙරලියක් ඇති කරමින් AI සහ යාන්ත්‍රික ඉගෙනුම් පාදක විශේෂාංග භාවිත කළ ශ්‍රී ලංකාවේ ප්‍රථම සමාගම බවට පත් වූ සොෆ්ට්ලොජික් ලයිෆ්, පාර්ශවකර්වන් හට මූල්‍ය හා මූල්‍ය නොවන තොරතුරු සමාලෝචනය කර ගන්නා ආකාරයේ වෙනසක් ඇති කිරීමට සමත්ව ඇත්තේ මූල්‍යකරණ අවබෝධයේ බාධාවන් අවම කරමිනි. තවද මෙම සම්මාන මගින් නව්‍යකරණය, ව්‍යාපාර වර්ධනය සහ ශක්තිමත් මූල්‍ය කාර්ය සාධනය සඳහා ජීවිත රක්ෂණ ක්ෂේත්‍රයේ ප්‍රමුඛයෙකු ලෙස සොෆ්ට්ලොජික් ලයිෆ් හි ස්ථානය තව තවත් ශක්තිමත් කරයි.
මෙම සම්මාන උළෙලේදී වාර්ෂික මූල්‍ය වාර්තාකරණ විශිෂ්ටත්වය වෙනුවෙන් සමස්ත ලෝකඩ සම්මානය දිනාගත් සොෆ්ට්ලොජික් ලයිෆ් ඩිජිටල් පරිවර්තන වාර්තාකරණය සඳහා වූ රන් සම්මානය හා රක්ෂණ අංශයේ රන් සම්මානයද දිනා ගන්නා ලදී. මූල්‍ය වාර්තාකරණයේ ප්‍රමුඛයා ලෙස සිය හැකියාවන් නැවත නැවතත් ප්‍රදර්ශනය කිරීමට සොෆ්ට්ලොජික් ලයිෆ් මෙහිදී සමත් වූයේ අඛණ්ඩව සිව්වැනි වරටත් තමන්ගේ විශිෂ්ටත්වය සම්මාන උළෙලේදී උත්කර්ෂයට නංවමිනි.
CA TAGS සම්මාන උළෙලේදී මෙම සම්මානය හිමි කර ගැනීම වෙනුවෙන් ප්‍රමුඛ පෙළේ ව්‍යාපාර සමඟ තරඟ වැදීමට සොෆ්ට්ලොජික් ලයිෆ් සමාගමට සිදු වූ අතර අවසානයේදී අඛණ්ඩව සිව්වැනි වරටත් ඉහළම සමාගම් 3 අතරට පැමිණි එකම සමාගම ලෙස ඉතිහාසගත වන්නට හැකියාව උදා විය. මෙහිදී සොෆ්ට්ලොජික් ලයිෆ්හි 2023 ‘Bigger. Better. Bolder’ යන්න තේමා කරගත් වාර්ෂික වාර්තාව වඩාත් පිළිගැනීමට ලක් වූයේ එහි නව්‍ය ප්‍රවේශය හා විනිවිදභාවය හේතුවෙනි.
මෙම ප්‍රධාන සම්මානයන්ට අමතරව ඒකාබද්ධ වාර්තාකරණ ලෝකඩ සම්මානය, ආයතනික පාලන අනාවරණ මූල්‍ය සේවා ලෝකඩ සම්මානය ලෙස සම්මාන 2කින් පිදුම් ලද සොෆ්ට්ලොජික් ලයිෆ් තිරසාර වාර්තාකරණය යටතේ විශේෂ සම්මාන කාණ්ඩයේ පිළිගැනීමේ සහතිකයද 2024 CA TAGS සම්මාන උළෙලේදී හිමි කර ගන්නා ලදී.
මෙම ජයග්‍රහණය පිළිබඳව අදහස් දැක්වූ සොෆ්ට්ලොජික් ලයිෆ්හි කළමනාකාර අධ්‍යක්ෂ ඉෆ්තිකාර් අහමඩ් මහතා ‘’Bigger. Better. Bolder’ යන්න තේමා කරගත් අපගේ 2023 වාර්ෂික වාර්තාව සඳහා වාර්ෂික මූල්‍ය වාර්තාකරණයේ සමස්ත විශිෂ්ටත්වය වෙනුවෙන් CA TAGS සම්මාන උළෙලේදී ඉහළම සම්මාන 3ක් දිනා ගැනීමට සමත්වීම පිළිබඳව ඉතාමත් සතුටට පත් වෙනවා. ශ්‍රී ලාංකේය ආයතනයන්හි මූල්‍ය වාර්තාකරණයේ නව්‍යකරණය වෙනුවෙන් මෙන්ම පාර්ශවකරුවන් වෙත ඉහළ වටිනාකමක් ලබා දීම සඳහා අපගේ කැපවීම මෙම ජයග්‍රහණයන් තුළින් මනාව පිළිබිඹු වනවා. එහිදී රක්ෂණය සඳහා වන රන් සම්මානය මෙන්ම ඩිජිටල් පරිවර්තන වාර්තාකරණය සඳහා වන රන් සම්මානය තුළින් AI තාක්ෂණය භාවිතයේදී අප දක්වන ප්‍රමුඛතාව පිළිගැනීමට ලක්ව තිබෙනවා. අද වන විට අපගේ එදිනෙදා ජීවිතයේ කොටසක් වන AI තාක්ෂණය, වාර්තාකරණය සඳහා යොදා ගත හැකි නම් එය යොදා ගැනීමට ආයතන කටයුතු කළ යුතුයි. ” යනුවෙන් පැවසීය.
මෙහිදී අදහස් දැක්වූ සොෆ්ට්ලොජික් ලයිෆ්හි ප්‍රධාන මූල්‍ය නිලධාරී නුවන් විතානගේ මහතා සඳහන් කර සිටියේ “ තාක්ෂණික දියුණුව හා නව්‍ය වාර්තාකරණ ක්‍රමයන් භාවිත කිරීම තුළින් අපගේ පාර්ශවකරුවන්ට පැහැදිලිව, විනිවිදභාවයෙන් හා අර්ථාන්විත ආකාරයෙන් මූල්‍ය අවබෝධය ලබා දීමට හැකි බව අපි තරයේ විශ්වාස කරනවා. AI මත පදනම් වූ මෙවලම් ඒකාබද්ධ කිරීම, හොඳම ගෝලීය භාවිතයන් හා වාර්තා කිරීමේ විශිෂ්ටත්වයේ නව ප්‍රමිතීන් අනුගමනය කරමින් තීක්ෂණ බුද්ධිය තුළින් අපගේ පාර්ශවකරුවන් සවිබල ගැන්වීමට අප නිරන්තරයෙන් කටයුතු කරනවා. මෙරට ආයතනික වාර්තාකරණයේ පරිවර්තනීය වෙනසක් ඇති කිරීමේ සුවිශේෂී සාධකයක් ලෙස සොෆ්ට්ලොජික් ලයිෆ් පිළිගැනීමට ලක්ව ඇති අතර මෙම උපාය මාර්ගික ප්‍රවේශය තුළින් එහි විශ්වාසය ඉහළ නැංවීමට හැකි වී තිබෙනවා. හුදු මූල්‍ය වාර්තාකරණයෙන් ඔබ්බට යමින් විනිවිදභාවය, වගවීම, පාලනය, තිරසරභාවය හා පාර්ශ්වකරුවන්ගේ නොසැලෙන කැපවීම පිළිබඳ සාක්ෂියක් වන සොෆ්ට්ලොජික් ලයිෆ් සිය වාර්තාකරණය තුළින් සාම්ප්‍රදායික වාර්තාකරණ භාවිතයන් AI සහ යාන්ත්‍රික ඉගෙනුම් පාදක විශේෂාංග දක්වා නව්‍යකරණය කිරීමට කටයුතු කර තිබෙනවා” යනුවෙනි.
2024 CA TAGS සම්මාන උළෙලේදී මෙන්ම පසුගියදා නිමාව දුටු 2024 CMA ඒකාබද්ධ විශිෂ්ටතා වාර්තාකරණ සම්මාන උළෙලේදී ද සම්මාන 5කින් පිදුම් ලැබීමට සමත් විය. එහිදී ඒකාබද්ධ වාර්තාකරණ විශිෂ්ටත්වය වෙනුවෙන් සමස්ත රිදී සම්මානය, රක්ෂණ අංශයේ රන් සම්මානය ඇතුලු සම්මාන 5ක් මෙන්ම උපාය මාර්ගික අරමුණු වෙනුවෙන් වූ හොඳම අනාවරණය හා ප්‍රාග්ධන අනාවරණය සඳහා වන විශේෂ සම්මානයන් 2ක්ද සොෆ්ට්ලොජික් ලයිෆ් දිනාගන්නා ලදී. මේ සම්මානයන්ට හේතු වූයේ විනිවිදභාවය, වගවීම,සහ පාර්ශ්වකරුවන් සඳහා වටිනාකමක් නිර්මාණය කිරීම අරමුණු කරගත් සොෆ්ට්ලොජික් ලයිෆ් වාර්තාකරණ වැඩපිළිවෙලෙහි විශිෂ්ටත්වයයි.
