දකුණු ආසියාවේ ප්රථම “2026 One Love Reggae සංගීත උළෙල” 2026 අගෝස්තු 7 සිට 9 දක්වා බෙන්තොට වෙරළ තීරයේදී පැවැත්වෙන බව එහි සංවිධායකයින් ඊයේ නිවේදනය කළහ.
මෙම සංගීත උළෙලට ලොව සුප්‍රකට රෙගේ සංගීත කලාකරුවන් 9 දෙනෙකු සහභාගී වීමට නියමිත අතර එය කලාපයේ පැවැත්වෙන දැවැන්තම රෙගේ හමුවලින් එකක් ලෙස සැලකේ.
මෙම සංගීත උළෙල සෑම දිනකම පස්වරු 5.00 ට ආරම්භ වන අතර, සජීවී සංගීතය, විවිධ සංස්කෘතික අංග සහ එකමුතුකම අත්විඳීමට රසිකයින්ට දින තුනක් පුරා අවස්ථාව හිමිවේ.
බෙන්තොට හි විශ්මයජනක වෙරළබඩ පසුබිමට එරෙහිව සකස් කර ඇති 2026 One Love Reggae සංගීත උළෙල ශ්රී ලංකාවට සහ දකුණු ආසියානු කලාපයට සන්ධිස්ථානීය ජාත්යන්තර සංගීත සහ සංස්කෘතික අත්දැකීමක් වනු ඇතැයි සංවිධායකයින් පැවසීය.
ලෝක සංගීතය, සාමය, ආදරය සහ එකමුතුකම උදෙසා අනුපමේය මෙහෙවරක් ඉටුකළ බොබ් මාලේ, පීටර් ටොෂ් බනී වයිලර්, සහ ග්‍රෙගරි අයිසැක්ස් වැනි රෙගේ සංගීත ලෝකයේ පුරෝගාමී අමරණීය කලාකරුවන්ට මෙම සංගීත උළෙලේදී ප්‍රණාමය පුද කෙරේ.
ආදරය, විවිධත්වය සහ එකමුතුකම සැමරීම වෙනුවෙන් සංවිධානය කෙරෙන මෙම ONE LOVE Reggae සංගීත උළෙල මඟින් ශ්රී ලංකාව ජාත්යන්තර මට්ටමේ විනෝදාස්වාද සහ සංචාරක කේන්ද්‍රස්ථානයක් ලෙස ලෝකය හමුවට රැගෙන යාම අපේක්ෂා කෙරේ.
පූර්ව වෙන්කරවා ගැනීමේ විශේෂ දීමනාව: වේදිකාව අසලම ඇති VIP Red Zone හි දින 3 සඳහාම වලංගු ඇතුළත් වීමේ ප්‍රවේශ පත්‍රයක් රුපියල් 60,000 බැගින් දැන් ලබාගත හැක.
සාමාන්‍ය ප්‍රවේශ පත්‍රයක් රුපියල් 30,000 ක් වන අතර, පූර්ව වෙන්කරවා ගැනීමේ විශේෂ දීමනාව යටතේ 20% ක වට්ටමක් හිමි කර ගත හැකිය.
සංගීත උළෙලේ Festival Pass මිලදී ගන්නා සැමට 2026 අගෝස්තු 10 වනදා පැවැත්වෙන After Party සඳහා සහභාගී වීමට නොමිලේ අවස්ථාව හිමිවේ.
ටිකට්පත් www.onelove.lk හරහා ලබා ගත හැකිය.
