දෙමව්පියන් හා දරුවන් අතර ඇති බැඳීම විවිධ අයුරින් විග්‍රහ කළ හැකිය. ඔවුන් අතර ඇති වන බොහෝ සිදුවීම් හා බොහෝ සන්නිවේදනයන් ලොවට විවර වන්නේ නැත. අප බොහෝ දුරට දකින්නේ සංස්කරණය කළ දේය. එහෙත් කුඩා දරුවන් සමඟ දෙමව්පියන්ගේ ජීවිතයන්හි තිරය පිටුපස කතාව ඊට වඩා හාත්පසින් ම වෙනස්ය. විටෙක එය රසබරය, විටෙක දුක්බරය, ආදරය, කුතුහලය, සිනාව, කඳුල මෙන්ම තවත් බොහෝ දේ ඒ තුළ ගැබ්ව ඇත. එහෙත් එය තවෙකෙකුට දැකිය හැක්කේ ඉතා අඩුවෙනි. ඒ එවැනි සංස්කරණය නොකළ අව්‍යාජ සිදුවීම් පිළිබඳ ඡායාරූප හෝ වීඩියෝ අන්තර්ගයන් බෙදා ගැනීමට බොහෝ දෙනා කටයුතු නොකරන හෙයිනි.
එවන් තත්වයක් තුළ වර්තමාන TikTok වේදිකාවේ බොහෝ දෙනා හඳුනන චතුරි ඩයස් දහනායක @beewithmommy තුළින් දරුවන් සමඟ වන ඔවුන්ගේ සැබෑ ජීවිතයේ අන්තර්ගතයන් බෙදා හදා ගැනීමට කටයුතු නරනු ලැබුවේ දරුවන්ගේ ස්වභාවය, මවක් ලෙස ඇය ලබන අත්දැකීම් සමාජ මාධ්‍ය තුළ සැරිසරන අනෙකුත් සියලු දෙනාටද දැක ගැනීමේ අවස්ථාව සලසා දෙමිනි.
ක්ෂණික අවස්ථාවන් ග්‍රහණය කර ගැනීම
මවක් ලෙස සිය දරුවන් සමඟ නිරන්තරයෙන් රැඳී සිටිමින් ඔවුන්ගේ එදිනෙදා කටයුතු වීඩියෝ ගත කිරීම පුරුද්දක් කරගෙන ඇති චතුරි එහිදී තව කෙනෙකුට සජීවීව අත්විඳිය නොහැකි බොහෝ අවස්ථාවන් ග්‍රහණය කර ගැනීමට සමත් විය. දරුවන්ගේ සුන්දර සිනාවන්, හැඬීම, අලුත් අත්දැකීම්, සිටගැනීම, පළමු පියවර තැබීම වැනි බොහෝ දේ අතර එක්වරක් පමණක් සිදු විය හැකි දේවල්ද ඇත. ඒවා සැණෙකින් ග්‍රහණය කරමින් ජීවිතයේ සුවිශේෂී මතක සටහන් බවට පත් කර ගැනීමට පමණක් නොව තමන්ගේ අත්දැකීම් තවත් රසවතුන් පිරිසකටද නව අත්දැකීමක් බවට පත් කිරීමට ඇය කටයුතු කර ඇත්තේ දරුවන්ගේ හා තමන්ගේ සැබෑ ජීවිතය ලොවට විවර කරමිනි.
“දරුවන් ඉක්මණින් ලොකු වෙනවා. හැම අම්මා කෙනෙක්ම ඒ අත්දැකීමට මුහුණ දෙනවා. දරුවන් සමඟ ගෙවන කාලය ආයෙත් අපට ලැබෙන්නේ නෑ. ඒ නිසා ඒ කාලය කොයි තරම් කාර්ය බහුල කාලයක් වුවත් විනෝදයෙන් ගත කිරීම සඳහා දරුවන්ගේ වීඩියෝ අන්තර්ගතයන් TikTok හරහා බෙදා ගැනීමට මම කටයුතු කළා. ඉතා සංවේදී අවස්ථාවන්, හැඟුම්බර අවස්ථාවන් ඒ වීඩියෝවල අන්තර්ගත වණා. විනෝදාංශයක් විදියට ආරම්භ කළ එය බොහෝ මව්වරුන්ගේ මෙන්ම පරිශීකයින්ගේ ප්‍රශංසාවට ලක් වූ අතර ඔවුන් ඒ සම්බන්ධයෙන් විවිධ ප්‍රතිචාර දක්වා තිබුණා. ඒ ප්‍රතිචාරයන් තුළින් මා තනිවම නොවන බව මට වැටහුණා. ”චමරි පවසයි.
දරුවන්ට ඩිජිටල් උරුමයක්
ඇය පවසන පරිදිම දරුවන් ඉක්මණින් වර්ධනය වෙයි. සිඟිත් දරුවන් නව යොවුන් දරුවන් බවට පත් වෙද්දී නව යොවුන් වියේ දරුවන් තරුණයින් බවට පත් වෙයි. අතීතයේ අපගේ කුඩා මතකයන් පැවතියේ ඡායාරූප ඇල්බම් තුළය. පසුව එය ජංගම දුරකනවය පිවිසි අතර අද වන විට සමාජ මාධ්‍යයන් වෙත පැමිණ ඇත. චමරිගේ @beewithmommy එවන් සුවිශේෂී වේදිකාවක් වන්නේ තම දරුවන්ගේ කුඩා කළ සුවිශේෂී වීඩියෝ අන්තර්ගතයන් ඒ තුළ අවශ්‍ය ඕනෑම විටක නැරඹිය හැකි බැවිනි. එපමණක් නොව TikTok හි @beewithmommy අනුගමනය කරන පරිශීකයින් විසින් එම වීඩියෝ නැරඹීමට පමණක් නොව තමන්ගේ මිතුරු මිතුරියන් සමඟ බෙදා හදා ගැනීමට කටයුත කිරීමත් හේතුවෙන් එම දරුවන් සමාජය තුළ ජනප්‍රියත්වයට මෙන්ම ආදරයට ලක් වන්නේ නිරායාසයෙනි.
“මගේ දරුවන් ඔවුන්ගේ ළමා කාලය පිළිබඳව යහපත් හැඟීමක් ඇතිකරන අන්තර්ගතයන් නරඹමින් වැඩෙනු ඇතැයි මම බලාපොරොත්තු වෙනවා. මෙය ඔවුන්ට අලුත් දෙයක් උගන්වන අතර කරුණාවන්ත වීමට හා නිර්මාණශීලී වීමට ඔවුන්ව පොළඹවනවා.”අන්තර්ගතයන් සම්බන්ධයෙන් චමරි පැවසුවේ එවැන්නකි.
ඇය මෙහිදී පෙනවා දෙන තවත් කරුණක් වන්නේ දරුවන්ගේ ආරක්ෂාවයි. TikTok වැනි සමාජ වේදිකාවක් වෙත පිවිසීමේදී දරුවන්ගේ ආරක්ෂාව පිළිබඳ සැලකිලිමත් විය යුතු බව පවසන ඇය ඒ පිළිබඳව අවධානයෙන් පසු වන ලෙස මව්වරුන්ට දැනුම් දී සිටියි. වයස අවුරුදු 13ට වැඩි දරුවන්ට පමණක් TikTok වෙත පිවිසීමේ අවස්ථාව උදා කර දී ඇති බැවින් එතෙක් එම අවස්ථාවන් තම දරුවන් වෙත ලබා නොදීමට ඇය තීරණය කර ඇත.
ආරක්ෂාව සඳහා වන TikTok හි Family Pairing
ඩිජිටල් ආරක්ෂාව වෙනුවෙන් Family Pairing වැනි විශේෂාංගයන් ඉතා වැදගත් වන්නේ තම දරුවන් TikTok වෙත පිවිසීමේදී ඔවුන් කටයුතු කරන ආකාරය ඔවුන් පිවිසෙන ගිණුම්, තිර කාලය වැනි දේ මව්පියන්ට කළමනාකරණය කිරීමේ අවස්ථාව උදා කර දෙයි. සිහියෙන් යුතුව සමාජ මාධ්‍ය භාවිත කිරීම තුලින් වඩා යහපත් අනාගතයක් උදා කර ගත හැකි බව චමරිගේ මතයයි.
අම්මලාට අවස්ථාවක්
දරුවන් සමඟ කටයුතු කරන මව්වරුන්ට තමන්ගේ මහන්සිය, සතුට පමණක් නොව දරුවන්ගේ එදිනෙදා ක්‍රියාකාරකම් බෙදා ගැනීම කදිම වේදිකාවක් ලෙස TikTok පෙන්වා දිය හැකිය. චමරි ඩයස් එම අවස්ථාව භාවිත කරමින් අද වන විට ජනප්‍රිය අවකාශයක් නිර්මාණ කිරීමට සමත්ව ඇත්තේ දරුවන් මෙන්ම සතුටද ආර්ථිකයද වර්ධනය කර ගනිමිනි.
