ලොව ප්‍රමුඛතම නව බලශක්ති වාහන (NEVs) නිෂ්පාදකයා වන BYD සහ එහි ශ්‍රී ලංකාවේ බලයලත් බෙදා හරින ආයතනය වන John Keells CG Auto එක්ව නැගෙනහිර කලාපය තුළ ඔවුන්ගේ ප්‍රවේශය ශක්තිමත් කරමින් සිය පස්වන ප්‍රදර්ශනාගාරය අම්පාර නගරයේ පසුගියදා විවෘත කළේය.
අම්පාර, රෝහල් පාරේ පිහිටා ඇති මෙය BYD හි කොළඹ, ගාල්ල, කුරුණෑගල සහ මහනුවර ප්‍රදර්ශනාගාර ජාලයට එක්වන නවතම ප්‍රදර්ශනාගාරය වේ. මෙම නවතම ප්‍රදර්ශනාගාරයක් සමඟින් නැගෙනහිර කලාපයේ පාරිභෝගිකයින්ට දැන් BYD හි ඉලෙක්ටි්‍රක් සහ plug-in hybrid වාහන මිලදී ගැනීමේ හැකියාව තව තවත් පහසු කරයි.
අම්පාරේ ජනතාවට මෙම ප්‍රදර්ශනාගාරය තුළින් BYD හි අනෙක් ප්‍රදර්ශනාගාර හා සමාන උසස් තත්ත්වයේ පාරිභෝගික අත්දැකීමක් ලබා දීම සඳහා අතිනවීන පහසුකම් අත්විඳිය හැකියි. සන්රයිස් ඔටෝ සර්විස් සමඟ එක්ව ක්‍රියාත්මක වන මෙම ප්‍රදර්ශනාගාරය ආරම්භයේදී ප්‍රදර්ශනාගාරයක් ලෙස ක්‍රියාත්මක වනු ඇති අතර පසුව පාරිභෝගිකයින්ට අමතර කොටස් සහ අලෙවියෙන් පසු විශිෂ්ට සේවාවන් සැපයීම සඳහා අති නවීන පහසුකම්වලින් සමන්විත සේවා මධ්‍යස්ථානයක් ආරම්භ කිරීමට ද සැලසුම් කර ඇත. මීට අමතරව මෙම ප්‍රදර්ශනාගාරය BYD SEALION 6, BYD ATTO 3, BYD SEAL සහ BYD DOLPHIN යන BYD මගී වාහනවලින් සමන්විත වේ.
මේ පිළිබඳව අදහස් දක්වමින් John Keells CG Auto සාමාන්‍යාධිකාරී චරිත් පණ්ඩිතරත්න මහතා පැවසුවේ ‘’මෙය අපගේ ව්‍යාපාරික වර්ධනයේ සුවිශේෂී අවස්ථාවක්. රටේ ප්‍රධාන කලාප පහක අපගේ ප්‍රදර්ශනාගාර ස්ථාපිත කිරීමට හැකි වීම ගැන අපි ආඩම්බර වෙනවා. අම්පාරේ විවෘත කළ මෙම ප්‍රදර්ශනාගාරය ශ්‍රී ලංකාවේ වැඩි පිරිසකට නව බලශක්ති වාහන තව තවත් සමීප කරවීමට අපට උපකාරී වනවා.’’ යනුවෙනි.
”BYD සමඟ එක්ව ඔවුන්ගේ උසස් තාක්ෂණයෙන් යුතු වාහන මාදිලි නැගෙනහිරට රැගෙන ඒමට ලැබීම පිළිබඳව අපි සතුටු වන අතර පාරිභෝගිකයින් වෙනුවෙන් විශිෂ්ට පාරිභෝගික සේවාවක් ලබා දීමට අප සූදානම්.’’ යනුවෙන් සන්රයිස් ඔටෝ සර්විස් අධ්‍යක්ෂ කේ. ඒ. සුරංග මහතා තවදුරටත් මෙසේ පැවසීය.
ශක්තිමත් නව බලශක්ති වාහන (NEV) ජාලයක් ගොඩනැගීමේ උත්සාහයේ කොටසක් ලෙස, John Keells CG Auto විසින් කොළඹ, මීගමුව, ගම්පහ, කළුතර, කරාපිටිය, මාතර, තංගල්ල, පුත්තලම, කුරුණෑගල සහ මහනුවර වැනි රටේ ප්‍රධාන ස්ථානවල ඉලෙක්ටි්‍රක් වාහන (EV) charge කිරීමේ මධ්‍යස්ථාන 15 කට වැඩි ප්‍රමාණයක් ස්ථාපනය කිරීමට සහාය වී ඇත. තවද නැගෙනහිර ජනතාවට තම වාහන charge කිරීම පහසු කිරීම සඳහා අම්පාර සහ ඒ අවට 7kW EV චාජර් ස්ථාපනය කිරීමට ද නියමිතය. BYD ශ්‍රී ලංකාව පුරා තවත් EV charge කිරීමේ මධ්‍යස්ථාන සහ ඒ ආශ්‍රිත සේවාවන් ගොඩනඟමින් සිටී. මෙය BYD හි දිගුකාලීන තිරසාර ඉලක්කය කරා ළඟා වීමට උපකාරී වන අතර භෑඪ හිමි පුද්ගලයින්ට රටේ ඕනෑම ස්ථානයක ඒවා භාවිතා කිරීම පහසු කරයි.
අම්පාරේ මෙම ප්‍රදර්ශනාගාරය විවෘත කිරීමත් සමඟින් BYD දැන් බස්නාහිර, දකුණ, මධ්‍යම, වයඹ සහ නැගෙනහිර පළාත් හරහා වඩා හොඳ ප්‍රවේශයක් සහ සේවාවන් ලබා දෙයි. එමෙන්ම JKCG Auto සමඟ එක්ව BYD ශ්‍රී ලංකාවේ වැඩි පිරිසකට නව බලශක්ති වාහන භාවිත කිරීමට අඛණ්ඩව දිරිමත් කරයි.
