ජීවත් වීම, ආදරය හා සිනාව යනු අප සියලු දෙනා අත් විඳීමට කැමති ප්‍රධාන දේවල්ය. මේ සියලු දේ තුලින් ගොඩනගන්නේ සතුටයි. ඒ නිසා මේවා විඳින්නට අපි කැමතිය. ඒ වින්දනය අප වෙත ගෙන එන්නට බොහෝ දෙනා වෙහෙසෙති. වත්මන් සමාජ මාධ්‍ය වේදිකාව තුළ එවන් අන්තර්ගතයන් ඕනෑ තරම් ඇති එවන් සුවිශේෂී යුවලක් ලෙස නිම්නා සහ ඉසුරු හඳුන්වා දිය හැකිය.
විශේෂයෙන් තමන්ගේ එදිනෙදා ජීවිතය, තමන් මුහුණ දෙන අත්දැකීම් රසවත්ව තම රසිකයින් වෙත ගෙන ඒමට සමත්ව සිටින මොවුන් තමන්ට ආවේණක නිර්මාණශීලී අන්තර්ගතයන් තුලින් ජනතාවට සතුට කැන්දා ගෙන ඒමට කටයුතු කරයි. හාස්‍යම පමණක් නොව වැදගත් පණිවිඩයක්ද ඒ තුල ගැබ් වී තිබීම මොවුන්ගේ අන්තර්ගතයන්හි විශේෂත්වයයි. ඒ වෙනුවෙන් ඔවුන් එක් කර ඇති ශබ්ද හා අනෙකුත් විශේෂාංගයන්ද ඊට දක්වන්නේ සුවිසල් සහයෝගයකි.
මහනුවර ඉපිද හැදී වැඩුණු නිම්නා පේරාදෙණිය විශ්වවිද්‍යාලයේ උපාධිධාරිණියකි. ඉසුරුගේ උපන් ගම කුරුණෑගල වන අතර ඔහු වෘත්තියෙන් මෘදුකාංග ඉංජිනේරුවෙකි.
“අපි දෙදෙනා එක්ව අන්තර්ගතයන් නිර්මාණය කිරීමේ කටයුතු ආරම්භ කළා. ඊට සැලසුමක් හෝ වැඩපිළිවෙලක් තිබුණෙ නෑ. එය බොහෝ වෙලාවට කම්මැලිකම නිසා පටන්ගත්ත දෙයක්. ”නිම්නා පවසයි.
සැබැවින්ම ඔවුන්ගේ නිර්මාණවල පැවතියේ අව්‍යාජත්වයයි. එදිනෙදා නිවසක යුවලක් ගත කරන ආකාරය, විනෝදජනක අවස්ථා, කාර්ය බහුල අවස්ථා, ආදරණීය අවස්ථා වැනි බොහෝ දේ අව්‍යාජව මේ තුළින් ප්‍රේක්ෂකයාට දැක ගත හැකි විය.
එහි ඇති නිර්ව්‍යාජ බව නිසාම ප්‍රේක්ෂකයින් වැඩි වැඩියෙන් ඊට ආදරය කරන්නට වූහ. දිගු වීඩියෝවක් සංස්කරණය කිරීමේදී ඔවුන් මුහුණ දුන් අභියෝගයක් හේතුවෙන් සංස්කරණය නොකර වීඩියෝව TikTok වෙත එකතු කිරීමට වරක් ඔවුන් කටයුතු කරන ලදී. ස්වභාවික පරිසරයේ ශබ්ද වැනි දේ ඒ තුල විය. එහෙත් එය බලාපොරොත්තු රහිත ලෙස ප්‍රේක්ෂකයින් අතර ජනප්‍රියත්වයට පත් විය.
නිම්නා සහ ඉසුරුගේ ජීවිතයේ සුවිශේෂී අවස්ථාවක් ලෙස TikTok වෙත යොමු වීම සඳහන් කළ හැකිය. එහි ප්‍රජාවක් නිර්මාණ කිරීමට, සෙසු නිර්මාණකරුවන් සමඟ සම්බන්ධ වීමට මෙන්ම කිසිදා අවධානය යොමු නොකළ වෙළෙඳනාම වෙත යොමු වීමට ඔවුන්ට හැකි වූයේ මෙම වේදිකාව නිසාය.
“මේ හැමදේම එක්ක අපට ප්‍රේක්ෂකයින්ගේ ආදරය ලැබී තිබෙනවා. සෑම දිනකම අපගේ නිර්මාණයන් සඳහා ඒ තුලින් විශාල දිරිගැන්වීමක් ලැබෙනවා.” ඉසුරු පවසයි.
TikTok හි ඇති සරල බව පහසුව මනාව සිය නිර්මාණකරණය වෙත යොදා ගෙන ඇති නිම්නා සහ ඉසුරු අදහසක්, යෙදුමක් ඔවුන්ගේ එදිනෙදා ජීවිතය විනෝදාස්වාදයක් බවට පත් කිරීමට අවස්ථාව උදා කරගන්නා ලදී.
තවද අනාගතය සැලසුම් කිරීම සම්බන්ධයෙන් උපායමාර්ග හෝ පසු අවුරුදු අන්තර්ගතයන් ඔවුන්ට නොමැත. ඔවුන්ට තිබුණේ මෙම වීඩියෝ අන්තර්ගතයන් අඛණ්ඩව සිදු කිරීමේ ආශාව පමණකි.
අලුත් අලුත් දේ ඩිජිටල් ලෝකයට එකතු වන වර්තමානය තුළ සිය අන්තර්ගතයන් ප්‍රේක්ෂකයා වෙක් හැස්‍ය සමඟින් ලබා දෙන නිර්මාණ කරුවන් ඉතා විරලය. එහෙත් මෙම නිම්නා සහ ඉසුරු යුවල තමන්ගේ නිර්මාණයන් තුලින් දැනුම ලබා දීමට කටයුතු කර ඇත්තේ ප්‍රේක්ෂකයා වෙත හාස්‍ය රසයද නොැඩුව ගෙන යමිනි.
එසේම ප්‍රේක්ෂකයන්ට ඉතා සමීපව කටයුතු කරන ඔවුන් තමන්ගේ සාර්ථකත්වයේ රහස ප්‍රේක්ෂක ප්‍රතිචාරය බව නිරන්තරයෙන් විශ්වාස කරයි. එමෙන්ම ඔවුන් නිරන්තරයෙන් විශ්වාස කරන්නේ තමන්ගේ නිර්මාණවල අවංකභාවය හා අව්‍යාජත්වය ප්‍රේක්ෂකයන් අතර ජනප්‍රියත්වයට හේතුවක් වන්නට ඇති බවයි.
